"घरामध्ये राय रे गड्या घरांमध्ये राय" पोलीसांचे गाणे संपताच होतो टाळ्याचा कडकडाट!

नाशिक : (सटाणा) शहरातील रस्त्यांवर लॉकडाऊनमुळे सर्वत्र शुकशुकाट, कोणत्या तरी चौक किंवा मोहल्ल्यात पोलीस गाडी येऊन थांबते व ध्वनिक्षेपकावरून "घरामध्ये राय रे गड्या घरांमध्ये राय" हे एक आर्त गीत ऐकू येते. अबालवृद्ध हे संपूर्ण गीत कान देऊन ऐकतात व गीत संपताच घराबाहेर येऊन या गीताला टाळ्या वाजवून दाद ही देतात. आपल्या गाण्याने या पोलिस निरीक्षकाने आपली वेगळीच छाप पाडली आहे.

सर्वत्र गाण्याचीच चर्चा

कोरोनाचे वाढते प्रमाण बघता शासन-प्रशासन कोरोनाचा संसर्ग टाळण्यासाठी सर्व स्तरावरून उपाययोजना करीत असतानाच येथील पोलिस ठाण्याचे पोलिस निरीक्षक राहुल तुकाराम गवळी या पोलीस अधिकाऱ्याने हे स्वरचित प्रबोधन पर गीत चौकाचौकात सादर करून आपली एक आगळीवेगळी ओळख शहरवासीयांमध्ये निर्माण केली आहे. राहुल गवळी यांनी घरामध्ये राय रे गड्या घरामध्ये राय या गाण्याच्या ओळी एकच चर्चेचा विषय ठरल्या आहे. कोरोनाची साथ आली, संकट लै भारी, नियम सारे तोडून का, निघतो आता दारी, तुला काही झालं तर, रडेल तुझी माय या गाण्याने लोक अगदी मंत्रमुग्ध होऊऩ जातात. 

हेही वाचा > मंदीत साधली संधी...अन् केला चिकन-अंडे का फंडा!

कोरोनाशी लढण्यासाठी, सोडलं आम्ही घरं! वाट आमुची पहातात...आमचीही पोरबाळ..!! या ओळी हृदय हेलावून सोडतात. राहुल गवई यांनी स्वखर्चाने ध्वनिक्षेपकाची व्यवस्था केली असून त्यांनी माईक हातात घेताच सर्वत्र स्मशान शांतता पसरते व हे गीत संपूच नये असे ऐकणाऱ्यास वाटते. त्याप्रमाणे अनुकरण देखील करतांना इथले नागरिक दिसून येता.  

हेही वाचा > 'गड्या आपलं शेतच बरं!'...म्हणत शेकडो कुटुंब शेताकडं वळले...कोरोनामुळे समजले मातीचे मोल