नाशिक : (चापडगाव) येथे बुधवारी (ता. २४) मध्यरात्री तीन वाजेच्या सुमारास धक्कादायक घटना घडली. सासुरवाडीला वास्तव्यास असलेल्या त्या तरुणाची फिरली नजर अन् लालसेपोटी केला असा प्रकार...मात्र त्याचा डाव चांगलाच उलटल्याने मात्र या जावयबापूची चांगलीच फजिती झाली.
अशी घडली घटना
बुधवारी (ता. 24) मध्यरात्रीच्या तीन वाजेच्या सुमारास चापडगाव येथील कुंभारखणी भागात राहणाऱ्या हरीदास निवृत्ती आव्हाड यांच्या दुचाकीचे लॉक तोडण्याचा संतोष बबनराव वायकर (वय 41 वर्षे) या संशयिताने प्रयत्न केला. तो मूळचा नांदगाव तालुक्यातील रहिवासी असून वर्षभरापूर्वी अकोले येथे सासुरवाडीला वास्तव्यास होता. मात्र, ते लॉक न तुटल्याने त्याने शेजारीच उभी असलेल्या आव्हाड यांच्या कारमध्ये प्रवेश केला. यावेळी हॉर्न वाजल्याने आव्हाड घराबाहेर आले असता पळण्याच्या तयारीत असलेला चोरटा दिसला. यावेळी चोरट्याने त्यांच्यावर हल्ला करण्याचा प्रयत्न केला. परंतु त्याला पकडून ठेवत आव्हाड यांनी आरडाओरड केली. त्यामुळे आजूबाजूच्या वस्तीवरील नागरिकांनी तेथे धाव घेतली.
या तरुणास रंगेहात पकडून ग्रामस्थांनी चांगलाच चोप दिला. दरम्यान पोलीस पाटील अंकुश आगिवले यांनी या घटनेबाबत वावी पोलीस ठाण्यात माहिती दिली. सहाय्यक पोलीस निरीक्षक रणजित गलांडे, उपनिरीक्षक काळे यांच्यासह पोलीस पथकाने धाव घेत भायकर याला ताब्यात घेतले. त्यास दोडी येथील ग्रामीण रुग्णालयात उपचारासाठी दाखल केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.