नाशिक : (देवळाली कॅम्प) माझ्या मुलाला वाचवा हो... तो त्या घेऊन जातोय... त्या मातेच्या डोळ्यासमोरच सगळं घडतं होतं. लेकराला त्या अवस्थेत बघत तिच्या ह्रदयावर वारच होत होते जणू...लोक मदतीला आले देखील पण तोपर्यंत सगळं संपलं होतं. आपल्या चिमुकल्याला रक्ताच्या थारोळ्यात बघतांना त्या मातेला मरण यातना होत होत्या. ही ह्रदय हेलावणारी घटना घडली देवळाली कॅम्प येथील दोनवाडे गाव येथे...
अशी आहे घटना
भगूर जवळील दोनवाडे गावात बिबट्याने केलेल्या हल्ल्यात एका तीन वर्षीय चिमुकल्याला आपला जीव गमवावा लागला. दरम्यान दोनवाडे गावातील पप्पू शिरोळे यांच्या मळ्यालगतच्या वस्तीवर ही घटना घडली. शुक्रवार (ता.1) सायंकाळी या वस्तीवरील रुद्र राजू शिरोळे हा तीन वर्षीय चिमुकला घराच्या ओट्यावर खेळत असताना बिबट्याने झडप घालून शेजारच्या ऊसाच्या शेतात घेऊन गेला.
शिरोळे परिवाराने आरडाओरडा केल्याने नागरिकांनी शेतात धाव घेतली. परंतु बिबट्याच्या हल्ल्यात रुद्रचा मृत्यू झाला होता. सदर घटनेमुळे परिसरात भीतीचे वातावरण पसरले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.