'तू काळजी नको रे करु, तुझं काम असं झटक्यात करतो'...अन् केलं काही भलतंच

crime.jpg
crime.jpg

नाशिक : (इगतपुरी) वाइन शॉपचे लायसन्स भाडेतत्त्वावर मिळून देतो, असे सांगून शहरातील एका तरुणाची 13 लाखांची फसवणूक करण्यात आल्याची घटना घडली. या प्रकरणी संशयित आरोपीला इगतपुरी पोलिसांनी ताब्यात घेतले. त्यास न्यायालयासमोर हजर केले असता चार दिवसांची पोलिस कोठडी ठोठावण्यात आली.

अशी आहे घटना
 

गणेश परदेशी (वय 26, रा. शनी चौक, महादेव मंदिर, इगतपुरी) या तरुणाला वाइन शॉपचे लायसन्स भाडेतत्त्वावर मिळवून देतो, असे संशयित आरोपी जगन नारखेडे (रा. भालेगाव, ता. मलकापूर जि. बुलडाणा) याने सांगितले. दरम्यान, संशयिताने 30 ऑक्‍टोबर 2019 ते 16 मार्च 2020 पर्यंत टप्प्याटप्प्याने पाच महिन्यांत 13 लाख 10 हजार रुपये तरुणाकडून उकळले. दरम्यान, संशयित नारखेडे याने या तरुणाला बनावट लायसन्स दिल्याने हा फसवणुकीचा प्रकार उघडकीस आला. बनावट लायसन्स पाहून तरुणाला चांगलाच धक्का बसला. त्याने कुटुंबीयांना सोबत घेत इगतपुरी पोलिस ठाण्यात सोमवारी (ता. 16) तक्रार दाखल केली. त्यानंतर काही तासांतच आरोपीला इगतपुरी पोलिसांनी गजाआड केले. 

या प्रकरणी इगतपुरी पोलिस ठाण्यात फसवणुकीचा गुन्हा दाखल करण्यात आला. पोलिस निरीक्षक अशोक रत्नपारखी यांच्या मार्गर्शनाखी पोलिस शिपाई मारुती बोराडे, सचिन देसले, विनोद गोसावी, वैभव वाणी तपास करत आहेत.  

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com