Nandurbar News : शहादा, तळोद्यासाठी 119 कोटींचा निधी मंजूर

Nandurbar News : तळोदा, शहादा मतदार संघाचे आमदार राजेश पाडवी यांच्या विशेष प्रयत्नातून हिवाळी अधिवेशनात पुरवणी अर्थसंकल्पातून मतदारसंघातील विकास कामांसाठी ११९ कोटी रुपयांचा निधी मंजूर करण्यात आला आहे.

या निधीतून मतदारसंघात विविध रस्ते, पुल, संरक्षण भिंत आदींसह विविध विकासकामे करण्यात येणार आहेत. (119 crore fund approved for Shahada Taloda nandurbar news)

मतदारसंघातील विकास कामांसाठी वाढीव निधी मिळावा म्हणून हिवाळी अधिवेशनात त्यांनी सातत्याने मुख्यमंत्री एकनाथ शिंदे आणि व उपमुख्यमंत्री देवेंद्र फडणवीस, अजित पवार यांच्याकडे पाठपुरावा केला होता. अखेर त्यांना मतदार संघातील विकासकामांसाठी ११९ कोटी रुपयांच्या निधी मंजूर करण्यात आला आहे.

''शहादा, तळोदा मतदारसंघाच्या सर्वांगीण विकासासाठी मी कटिबद्ध आहे. मतदार संघातील गाव- पाडे-खेडे शहराच्या सर्वांगीण विकासासाठी या अर्थसंकल्पातील भरीव निधी उपयोगी ठरेल.''- राजेश पाडवी आमदार