अमळनेर- रस्त्याच्या कडेला शौचास बसलेल्या बालिकेवर अत्याचार करणाऱ्या आरोपीला अमळनेर न्यायालयाने पाच वर्षे सश्रम कारावासाची शिक्षा सुनावली. लोटन पंडित पाटील (वय ६१, रा. कृष्णापूर, ता. चोपडा) असे शिक्षा झालेल्या आरोपीचे नाव आहे..आरोपी पाटील याने ९ जानेवारी २०२४ ला गल्लीतील बालिका रस्त्याच्या बाजूला शौचास बसली असताना, तिच्यावर अत्याचार केला. याबाबत चोपडा पोलिस ठाण्यात गुन्हा दाखल झाला होता. आरोपीला दोनच दिवसांत पोलिसांनी ताब्यात घेतले होते. .तेव्हापासून आरोपी कारागृहात होता. सरकारी अभियोक्ता आर. बी. चौधरी यांनी या खटल्यात नऊ साक्षीदारांची तपासणी केली. त्यात अल्पवयीन पीडिता व फिर्यादी यांची साक्ष ग्राह्य धरून अतिरिक्त जिल्हा न्यायाधीश वर्ग-१ सौ. सी. व्ही. पाटील यांनी आरोपीस ‘पॉक्सो’ कायद्यात दोषी पकडून पाच वर्षे सश्रम कारावास व पाच हजार रुपये दंड, दंड न भरल्यास सहा महिने कारावासाची शिक्षा सुनावली. इतर कलमांत निर्दोष मुक्तता करण्यात आली. या खटल्यात पोलिस कर्मचारी राहुल रणधीर, सहाय्यक फौजदार उदयसिंग साळुंखे, हवालदार पुरुषोत्तम वाल्ड, प्रमोद पाटील, भरत ईशी, सतीश भोई आदींनी सहकार्य केले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
