Dhule Crime News : दुचाकी चोरट्याला बेड्या; ‘LCB’ ची कारवाई

Dhule Crime News : दुचाकी चोरी करणाऱ्या अट्टल चोरट्यांना स्थानिक गुन्हे शाखेच्या पथकाने बेड्या ठोकल्या. त्याच्याकडून ८२ हजार रुपये किमतीच्या चार दुचाकी पथकाने हस्तगत केल्या.

या चोरट्यावर यापूर्वी देवपूर पोलिसांत अपहरणाचाही गुन्हा दाखल आहे. (Chains to two wheeler thief Action by LCB dhule crime news)

देवपूर पोलिसांत दाखल दुचाकी चोरीच्या गुन्ह्यांचा समांतर तपास करत असताना ‘एलसीबी’चे पोलिस निरीक्षक दत्तात्रय शिंदे यांना गोपनीय माहिती मिळाली.

हा गुन्हा भास्कर छगन मोरे (वय ३६, रा. कदमबांडेनगर, नगावबारी, देवपूर, धुळे) याने केला असून, त्याने गुन्ह्यात चोरीस गेलेल्या दुचाकी त्याच्या राहत्या घरी लपवून ठेवल्याची माहिती मिळाली.

या माहितीवरून एलसीबीच्या पथकाने भास्कर मोरे यास त्याच्या घरून ताब्यात घेतले. चौकशीत त्याच्याकडे चोरीच्या एकूण चार दुचाकी मिळून आल्या.

त्यांची एकूण किंमत ८२ हजार रुपये एवढी आहे. यात दोन गुन्ह्यांची उकल झाली.

पोलिस अधीक्षक श्रीकांत धिवरे, अपर पोलिस अधीक्षक किशोर काळे यांच्या मार्गदर्शनाखाली स्थानिक गुन्हे शाखेचे पोलिस निरीक्षक दत्तात्रय शिंदे, पोलिस उपनिरीक्षक बाळासाहेब सूर्यवंशी, अमरजित मोरे.

सहाय्यक पोलिस उपनिरीक्षक संजय पाटील, श्‍याम निकम, संतोष हिरे, मुकेश वाघ, चेतन बोरसे, पंकज खैरमोडे, शशिकांत देवरे, जितेंद्र वाघ, महेंद्र सपकाळ, गुणवंत पाटील, हर्शल चौधरी, कैलास महाजन यांच्या पथकाने ही कारवाई केली.