तळई- येथे लागलेल्या आगीत दोन घरे खाक झाली. त्यात लाखो रुपयांचे नुकसान झाले असून, दोन्ही भावांचे संसार उघड्यावर आले आहेत. ही घटना रविवारी मध्यरात्री झाली. .सुदैवाने आगीत कुठलीही जीवितहानी झालेली नाही. मात्र, आजूबाजूच्या घरांना आगीची झळ पोहोचली आहे. येथील गोकुळ रोकडे व दादाजी रोकडे या दोन्ही भावांच्या घरांना मध्यरात्री आग लागली..आगीने रौद्ररूप धारण केल्याने परिस्थितीवर नियंत्रण मिळविता आले नाही. तरीही ग्रामस्थांनी आग विझविण्याचा प्रयत्न केला. दोन्ही घरे लाकडी कडीपाटाची असल्याने आग वाढली व क्षणार्धातच दोन्ही घरांसह त्यातील संसारांची राखरांगोळी झाली. दोन्ही कुटुंबांच्या घरांतील संसाराची भांडी, अंथरूण, पांघरूण खाक झाले. या दोन्ही भावांचा संसार उघड्यावर आल्याने संपूर्ण गावात हळहळ व्यक्त होत आहे. दोघे भाऊ अतिशय गरिबीत जीवन जगत होते..मोलमजुरी करून संसाराचा गाडा चालवीत होते. त्यांच्या अंगावरील कपडेच शिल्लक राहिले आहेत. घरात काहीही शिल्लक न राहिल्याने त्यांच्या उदरनिर्वाहाचा प्रश्न निर्माण झाला आहे. .नुकसानग्रस्तांना सावरण्यासाठी शासनाकडून मदत मिळवून देण्याचे आश्वासन जिल्हा परिषदेचे माजी उपाध्यक्ष ज्ञानेश्वर आमले, सरपंच भाईदास मोरे, उपसरपंच रोकडे, अशोक महाजन, प्रभाकर पाटील यांनी दिले. तलाठी सुवर्णा काळे, कोतवाल जगन पाटील यांनी घटनास्थळी भेट देऊन नुकसानीचा पंचनामा केला..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
