Dhule News : धुळे महासंस्कृती महोत्सवाचा समारोप

Dhule News : सांस्कृतिक कार्य विभाग, सांस्कृतिक कार्य संचालनालय, जिल्हा प्रशासनातर्फे येथील पोलिस कवायत मैदानावर शुक्रवारी रात्री पाच दिवसीय रंगतदार महासंस्कृती महोत्सवाचा समारोप झाला. यात देशभक्तीपर गीत, अहिराणी लोकगीतांसह संत ज्ञानेश्वर माऊलींच्या जीवन चरित्रावर आधारित ‘मोगरा फुलला’ कार्यक्रमाने महासंस्कृती महोत्सवाचा चौथा दिवस गाजविला. (Dhule Mahasanskruti Mahotsav concludes)

येथील गंधार वाद्यवृंदाने ‘रंग दे बसंती’ कार्यक्रमात देशभक्तीपर गीतांनी वातावरणात स्फुरण आणले. मेरा रंग दे बसंती छोला, मॉ तुझे सलाम, वंदे मातरम्, ऐसा देश हे मेरा याबरोबरच शिवनेरीवर शिव जन्मला दैवंत आमचा छत्रपती आमचं दैवत या शौर्य गीते व पोवाड्यांनी परिसरात देशभक्तीचे वातावरण निर्माण झाले.

शाहीर श्रावण वाणी यांच्या अहिराणी लोकगीतांनी उपस्थितांना मंत्रमुग्ध केले. प्रा. गणेश शिंदे व सन्मिता शिंदे (पुणे) यांच्या संत ज्ञानेश्वर माऊलींच्या जीवन चरित्रावर आधारित ‘मोगरा फुलला’या कार्यक्रमात संत ज्ञानेश्वर माऊलींच्या जन्मसोहळ्यापासून ते समाधी सोहळ्यापर्यंचे वर्णन गीतांतून सादर केले. (latest marathi news)

संत ज्ञानेश्वर माऊलींच्या समाधी सोहळा प्रसंगाचे वर्णन ऐकून उपस्थित श्रोत्यांच्या कडा पाणावल्या. जिल्हाधिकारी अभिनव गोयल, अपर पोलिस अधीक्षक किशोर काळे, जिल्हा परिषदेचे अतिरिक्त मुख्य कार्यकारी अधिकारी चंद्रकांत पवार.

निवासी उपजिल्हाधिकारी नितीन गावंडे, जिल्हा पुरवठा अधिकारी महेश शेलार, उपजिल्हाधिकारी महेश जमदाडे, संदीप पाटील, सीमा अहिरे, जिल्हा माहिती अधिकारी विलास बोडके, तहसीलदार पंकज पवार आदी उपस्थित होते.