Dhule Crime News : दरखेडा येथील अवैध वाळू उत्खनन; तहसीलदार ज्ञानेश्वर सपकाळे यांची कारवाई

Dhule Crime News : दरखेडा (ता. शिंदखेडा) येथील बुराई नदीपात्रातातून अवैध वाळू उत्खनन व वाहतूक होत असल्याची तक्रार बाभुळदे ग्रामपंचायतीने केल्यानंतर शिंदखेडा तहसीलदार ज्ञानेश्वर सपकाळे यांनी ११ जणांना २६ कोटी ७४ लाख ७९ हजार ८५० रुपयांची दंडाची नोटीस मंगळवारी (ता. २१) देण्यात आली.(Illegal sand mining in Darkheda dhule crime news)

दरखेडा येथील बुराई नदीपात्रातून अवैध वाळू उत्खनन व वाहतूक होत असल्याची तक्रार बाभुळदे ग्रामपंचायतीने तहसीलदार ज्ञानेश्वर सपकाळे यांच्याकडे केल्यानंतर स्थळ पंचनाम्यानंतर दरखेडा ग्रामपंचायतीच्या काही पदाधिकाऱ्यांना प्रत्येकी एक हजार ९०.९० ब्रास अशी प्रत्येकी दोन कोटी ४३ लाख १६ हजार ३५० रुपयांची ११ जणांना २६ कोटी ७४ लाख ७९ हजार ८५० रुपये दंडाची नोटीस देण्यात आली. नोटीस मिळाल्यापासून तीन दिवसांच्या आत उत्तर द्यावे लागणार आहे.

यांना दिली नोटीस

दरखेडा येथील गणेश गंगाराम पवार, दीपक रमेश पवार, गोपाल विक्रम पवार, अरुण नारायण पवार, साहेबराव बन्सीलाल पवार, विनोद बन्सीलाल पवार, भोगराज गणेश पवार, वैभव कैलास पवार, नितीन शांतिलाल पवार, विजय अर्जुन पवार व राहुल रामराव पवार यांना नोटीस देण्यात आली.