Harshal Patilsakal
उत्तर महाराष्ट्र
Jalgaon Accident : जळगावात वाळू डंपरचा थरार! नशिराबादजवळ भीषण अपघातात १९ वर्षीय तरुण ठार
Youth Dies in Bike Accident with Sand Dumper : जळगाव राष्ट्रीय महामार्गावर नशिराबाद टोलनाक्याजवळ एका वाळूच्या डंपरने दुचाकीला जोरदार धडक दिल्याने १९ वर्षीय हर्षल राजू पाटील या युवकाचा जागीच मृत्यू झाला, तर त्याचा मित्र गंभीर जखमी झाला.
जळगाव- राष्ट्रीय महामार्गावर नशिराबाद टोल नाक्याजवळ वाळूच्या सुसाट डंपरने दुचाकीला जोरदार धडक दिल्याने युवक जागीच ठार झाला. शिरसाळा येथील प्रसिद्ध मारुती मंदिराच्या दर्शनासाठी निघालेला दुचाकीस्वार ठार झाला, तर त्याचा मित्र गंभीर जखमी झाला. ही घटना शनिवारी (ता. १९) सकाळी सहाच्या सुमारास घडली. हर्शल राजू पाटील (वय १९, रा. वराड, ता. धरणगाव) असे मृत युवकाचे नाव आहे. तर मागे बसलेला त्याचा मित्र कुणाल गोकुळ पाटील (रा. वराड, ता. धरणगाव) गंभीर जखमी झाला.