जळगाव- एमआयडीसी पोलिसांनी एका घरफोडीच्या गुन्ह्याचा अवघ्या २४ तासांत छडा लावत २ लाख रुपये किमतीचे तीन आयफोन आणि वन प्लस मोबाईल हस्तगत केले आहेत. या प्रकरणी एका अल्पवयीन मुलाला ताब्यात घेण्यात आले आहे..मेहरुण नशेमन कॉलनीतील तन्वीर मजहर पटेल यांच्या घरात १८ मेस पहाटे २ ते ३ च्या सुमारास चोरी झाली होती. या प्रकरणी दाखल गुन्ह्यात निरीक्षक संदीप पाटील यांच्या पथकाने घटनास्थळाजवळील नागरिकांची चौकशी केली. गोपनीय बातमीदारांकडून माहिती घेतली आणि सीसीटीव्ही फुटेजची बारकाईने पाहणी केली. तेव्हा त्यांना गुन्ह्याच्या वेळी फिर्यादीच्या घराजवळ एक अल्पवयीन मुलगा फिरत असल्याचे सीसीटीव्हीत दिसले. .या माहितीच्या आधारे तपास पथकाने परिसरात शोध घेऊन त्या अल्पवयीन मुलाला ताब्यात घेतले. त्याने गुन्ह्याची कबुली दिली. पोलिसांनी त्याच्याकडून चोरीस गेलेले २ ‘ॲपल’चे आयफोन आणि १ वन प्लस कंपनीचा मोबाईल असे २ लाख रुपये किमतीचे सर्व मोबाईल फोन २४ तासांच्या आत हस्तगत केले. पोलिस नाईक रामकृष्ण पाटील तपास करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
