ऊसतोड करतांना पिल्लांसह बिबट्याचे दर्शन; शेतकऱ्यांमध्ये भितीचे वातावरण 

ऊसतोड करतांना पिल्लांसह बिबट्याचे दर्शन; शेतकऱ्यांमध्ये भितीचे वातावरण 

तळोदा ः मोड येथील नवलसिंग राजपूत यांच्‍या ऊसाच्या शेतात उसतोडण्याचे काम सुरू होते. काम सुरू असतांना अचानक ऊसतोड कामगारांना शेतात दोन पिल्लासंह मादी बिबट्यांचे दर्शन झाले. मजुरांना पाहून मादी बिबट्या पसार झाली. मात्र बिबट्याचे पिल्लू हे शेतात राहिले. त्यामुळे परिसरात भीतीचे वातावरण पसरले होते. दरम्यान वन विभागाच्या पथकाने घटनास्थळी भेट देऊन पाहणी केली. 

मोड शिवारातील ऊसाच्या शेतांमध्ये उसतोडणीचे काम सुरू आहे.  ऊसतोड मजूर सकाळी शेतात पोहोचले असता त्यांना बिबट्याची दोन पिल्ले उसाचा पाचट मध्ये आढळून आली. त्याच वेळी शेतात मादी बिबट्या देखील दिसली. मजुरांना पाहून मादी बिबट्या तेथून पसार झाली. मात्र उसाचा शेतातच पिल्ले असल्याने मादी त्याच ठिकाणी गिरक्या घालेल अशी शक्यता वर्तविल्याने भीती पसरली होती. 
 

वन विभागाचे अधिकारी पोहचले
वन विभागाच्या राणीपुर बिटचे वनपाल एन. पी. पाटील, वनरक्षक राजा पावरा, अमित पाडवी यांनी घटनास्थळी भेट देऊन दोन दिवस ऊस तोडणी थांबवण्याची सूचना केली. कोणीही शेतात एकट्याने जाऊ नये अशा सूचना वन विभागाने दिल्या आहेत. 
 

संपादन- भूषण श्रीखंडे

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com