illegal liquor : केमिकलयुक्त दारूची ‘झिंग’! खुलेआम विक्री

चिमठाणे- शिंदखेडा तालुक्यात देशी- विदेशी काही परवानाधारक व ढाब्यांवर बिनदिक्कत केमिकलयुक्त दारू सर्रासपणे विक्री होत असल्याच्या तक्रारी समाजमाध्यमातून येत असताना राज्य उत्पादन शुल्क विभागाने डोळ्यांंवर पट्टी बांधल्याने तालुक्यात अवैध दारूची ‘झिंग’ दिवसेंदिवस चढत आहे..अवैध दारू तस्करीमागे तथाकथित मद्यमाफीयांवर उत्पादन शुल्क विभाग, स्थानिक गुन्हे शाखा व पोलिस अधिकारी कारवाई करीत नाही. शिंदखेडा तालुक्यातून मुंबई- आग्रा महामार्ग, सोलापूर- अंकलेश्वर राज्य महामार्गासह अनेक राज्यमार्ग जात असल्याने रस्त्यालगतच्या काही परवानाधारक बिअरबार, ढाब्यांवर केमिकलयुक्त देशी- विदेशी दारू सर्रास विक्री होत आहे. ‘अर्थ’पूर्ण संबंधांमुळेच कारवाई होत नसल्याचा आरोप नागरीकांचा आहे. .शरीराला घातक असलेली केमिकलयुक्त दारू तालुक्यातील वनविभाग व शेतशिवारात दहा बाय दहा जागेवर बनविण्याचे प्रकार वाढले आहेत. भडणे (ता. शिंदखेडा) गावशिवारात काही महिन्यांपूर्वी शिंदखेडा पोलिसांनी अवैध दारू कारखान्यावर कारवाई केली. पण, अज्ञात व्यक्ती दाखवून प्रकरण दडपले..पाटण येथील एका हॉटेलवर थातूरमातूर कारवाई करण्यात आली. पाटण चौफुलीवरील एका परवानाधारक बिअर बारमध्ये अवैध बनावट केमिकलयुक्त विदेशी दारूची विक्री होत असल्याची तक्रार महाळपूर येथील माहिती अधिकार कार्यकर्ते धनराज निकम यांनी राज्य उत्पादन शुल्क विभागाकडे केल्यानंतर या बारमध्ये विनापरवाना दारूच्या २८ बाटल्या मिळून आल्या. त्यामुळे अधिकाऱ्यांनी कारणे दाखवा नोटीस जारी केली आहे..Latur Crime : लातूरला चोरीच्या सात बुलेट जप्त; दोघे गजाआड.अवैध मद्याचे दोंडाईचा कनेक्शनशिरपूर येथे रविवारी (ता. २६) राज्य उत्पादन शुल्क विभागाने केलेल्या कारवाईत महिंद्रा कंपनीची स्कॉर्पिओ (क्र. एमएच- ४१- सी-३८२१) सापडली आहे. वाहनचालक युवराज वनदेव वानखेडे (वय ४३, रा. मालपूररोड, रा. दोंडाईचा) याला अटक करण्यात आली. त्याचा साथीदार तुषार संतोष पाटील (रा. संतोषी माता मंदिर परिसर, दोंडाईचा) हा पळून गेल्याचा गुन्हा शिरपूर पोलिस ठाण्यात दारूबंदी कायद्यान्वये नोंदविण्यात आला आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.