Dhule News : मालपूर ग्रामपंचायत निवडणुकीचे आरक्षण जाहीर; विशेष ग्रामसभा

Dhule News : मालपूर (ता. शिंदखेडा) येथील ग्रामपंचायतीचे निवडणुकीचे आरक्षण जाहीर झाले. सहा प्रभागांत १७ जणांसाठी चक्रानुसार आरक्षण जाहीर झाल्याने ‘कहीं खुशी कहीं गम’ अशी परिस्थिती निर्माण झाली आहे. शुक्रवारी (ता. ९) सकाळी अकराला महात्मा जोतिबा फुले सभागृहात विशेष ग्रामसभा घेण्यात आली.

सहा वॉर्डांतील १७ जागांसाठी आरक्षण जाहीर करण्यात आले. प्राधिकृत अधिकारी दोंडाईचा मंडळाधिकारी एस. टी. कुवर यांनी निवडणूक आयोगाच्या आदेशानुसार आरक्षण जाहीर केले. (Malpur Gram Panchayat Election Reservation Announced dhule news)

सरपंच मच्छिंद्र शिंदे, तलाठी माझडकर, माजी उपसरपंच प्रकाश पाटील, लक्ष्मण पानपाटील, ग्रामपंचायत सदस्य संतोष कोळी, जगदीश पाटील, तुकाराम माळी, कैलास माळी, तुकाराम पाटील, सुभाष ठाकरे.

सुनील कोळी, देवमन भिल, अॅड. पंकज पाटोळे, जयवंत पाटील, भटू रावल, श्रीराम अहिरे, लोटून इंदवे, सुरेश इंदवे, प्रशांत अडगाळे, वीरेंद्र पवार, राहुल गोसावी, पंकज वाघ, रवींद्र बागूल, हेमंत खंडेराय, रवींद्र राजपूत, कुलदीप अडगाळे, दीपक वसईकर आदी उपस्थित होते.

आगामी होणाऱ्या निवडणुकीत आरक्षण फिरते असल्याने अनेक महत्त्वाकांक्षी संभाव्य उमेदवारांची कोंडी झाली आहे. मतदारांचे जातीय समीकरण जुळत नसल्याने उमेदवारांची आयात-निर्यात काही प्रभांत होणार असल्याची शक्यता आहे.

काही हौशी स्वयंघोषित उमेदवारांची चांगलीच पंचायत झाली आहे. ग्रामपंचायतीची सत्ता मिळविण्यासाठी आरक्षणापूर्वीच संभाव्य उमेदवारांची चाचणी सुरू केली आहे.

१३ फेब्रुवारीला प्रभागनिहाय आरक्षण जिल्हाधिकाऱ्यांच्या आदेशानुसार प्रारूप आरक्षण प्रसिद्ध केले जाईल. त्यावर १६ फेब्रुवारीपर्यंत हरकती घेता येतील. २१ फेब्रुवारीला उपविभागीय अधिकारी हरकती विचारात घेऊन २३ फेब्रुवारीला जिल्हाधिकाऱ्यांची मान्यता घेऊन अंतिम आरक्षण प्रसिद्ध केले जाईल, अशी माहिती श्री. माझडकर यांनी दिली.

प्रभागनिहाय आरक्षण

प्रभाग एक ः ३ जागा- अनुसूचित जमाती एक, अनुसूचित जमाती स्त्री एक, सर्वसाधारण स्त्री एक.

प्रभाग दोन ः ३ जागा- नामाप्र स्त्री एक, सर्वसाधारण स्त्री एक, सर्वसाधारण एक.

प्रभाग तीन ः २ जागा- अनुसूचित जमाती एक, अनुसूचित जमाती स्त्री एक.

प्रभाग चार ः ३ जागा- नामाप्र एक, सर्वसाधारण स्त्री एक, सर्वसाधारण एक.

प्रभाग पाच ः ३ जागा- अनुसूचित जाती स्त्री एक, नामाप्र स्त्री एक, सर्वसाधारण एक.

प्रभाग सहा ः ३ जागा- अनुसूचित जाती एक, नामाप्र एक, सर्वसाधारण स्त्री एक.