धक्कादायक : भुसावळातील दोघा कोरोना बाधितांचा मृत्यू

death
death

भुसावळ : शहरातील गंगाराम प्लॉट आणि खडका रोड भागातील दोघा कोरोना बाधित रुग्णांचा मृत्यू झाल्याचे आज उघडकीस आले आहे. त्यामुळे शहरवासियांमध्ये एकच खळबळ उडाली असून, भुसावळातील मृत रुग्णांची संख्या आता चारवर गेली आहे.

शहरात कोरोनाचा प्रादुर्भाव दिवसेंदिवस वाढतच आहे. मंगळवारी (ता. ५) खडका रोड भागातील ५८ वर्षीय महिला तर बुधवारी (ता. ६) गंगाराम प्लॉट भागातील ५९ वर्षीय पुरुष कोरोना पॉझिटीव्ह आढळले होते. त्यांचा उपचारादरम्यान मृत्यू झाल्याचे सूत्रांनी सांगितले. याआधीच खडका रोड भागातील मृत महिलेच्या संपर्कातील डॉक्टरांना देखील रुग्णालयात दाखल करण्यात आले असता, त्यांना देखील कोरोनाची लागण झाल्याचे समोर आले आहे. तर गंगाराम प्लॉट भागातील रुग्णाची आईचे निधन झाल्याने त्यांच्या अंत्ययात्रेत पुण्याहून आलेले नातेवाईकांची हजेरी लावली होती. त्यामुळे या रुग्णाच्या संपर्कातील नातेवाइकांना देखील आधीच क्वारंटाइन करण्यात आले आहे. शहरात कोरोना संक्रमित रुग्णांची संख्या आता १६ झाली असून, यातील दोघांचा पूर्वीच मृत्यू झाला होता. त्यामुळे मयतांची संख्या देखील चारवर गेली आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com