जळगाव ः मराठा आरक्षणासंदर्भात आज पुकारलेल्या राज्यस्तरीय बंदला जिल्ह्यात सकाळपासून कडकडीत बंद आहे. भडगाव, पाचोरा येथे शंभर टक्‍के बंद असून, जळगाव शहरात मात्र अद्याप संमिश्र प्रतिसाद मिळत आहे. मराठा समाजाच्या आंदोलकांकडून मार्केटमध्ये जावून दुकाने बंद करण्याचे आवाहन केले जाते. शिवाय अनेक ठिकाणी रास्ता रोको देखील करण्यात आला.
मराठा आरक्षणाच्या मुख्य मागणीसह काही मागण्यांसाठी मराठा क्रांती मोर्चाच्यावतीने आज (ता.9) राज्यस्तरीय बंद पुकारण्यात आलेला आहे. त्यानुसार जिल्ह्यात देखील बंदला प्रतिसाद मिळत असून, काही ठिकाणी सकाळी रास्ता रोको आंदोलन करण्यात आले. यामध्ये भडगाव, पाचोरा, चाळीसगाव, अमळनेर येथे कडकडीत बंद पाळण्यात आलेला आहे. तर अन्य ठिकाणी सकाळपासून संमिश्र प्रतिसाद मिळत आहे. जळगाव शहरात देखील हीच परिस्थिती असून, प्रमुख मार्केटसह अन्य ठिकाणची दुकाने सुरू असल्याचे चित्र पाहण्यास मिळाले. राज्यात काही ठिकाणी कडकडीत बंद पाळण्यात येत असल्याने जिल्ह्यात देखील मराठा क्रांती मोर्चाच्या पदाधिकाऱ्यांकडून दुकाने बंदचे आवाहन केले जात आहे. बंद असल्याने बसस्थानक व रेल्वेस्थानकावर शुकशुकाट आहे.
बससेवा बंद
राज्यस्तरीय बंद असल्याने आंदोलकांकडून बसची तोडफोड किंवा जाडपोड होण्याची शक्‍यता असते. यामुळे महामंडळाच्या बसचे नुकसान टाळण्यासाठी राज्य परिवहन महामंडळाच्या जळगाव विभागातून एक देखील बस सोडण्यात आलेल्या नाही. विभागातील सर्व आगारांमध्ये बस जमा करण्यात आलेल्या असून, सकाळपासून ग्रामीण किंवा लांबपल्ल्याची एकदेखील फेरी सोडण्यात आली नसल्याचे सुत्रांकडून सांगण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.