Chalisgaon Municipality : करवसुलीसाठी पालिका ‘ॲक्शन मोड’वर

चाळीसगाव- शहरातील मालमत्ताधारकांकडे असलेल्या विविध करांच्या वसुलीसाठी नगरपालिका ‘ॲक्शन मोड’वर आली आहे. थकबाकीधारकांना वारंवार सूचना देऊनही त्यांच्याकडील थकबाकीची रक्कम भरत नसल्याने पालिकेने मालमत्ता जप्तीची कारवाई हाती घेतली आहे. त्यानुसार, सोमवारी (ता. ३) पालिकेच्या पथकाने शहरातील तीन गाळे ‘सील’ केले. .दरम्यान, पालिकेतर्फे जप्तीची कारवाई सुरुच राहणार असल्याचे पालिकेकडून सांगण्यात आले. या संदर्भात नगरपालिकेचे कर निरीक्षक गोपाल शिंदे व दिनेश जाधव यांनी दिलेल्या माहितीनुसार, शहरातील पालिकेच्या संबंधित थकबाकीदार मालमत्ता कर, नळपट्टीधारकांना त्यांच्याकडील थकबाकी जमा करण्यासंदर्भात यापूर्वी अनेकदा तोंडी व लेखी सूचना दिल्या आहेत. मात्र, तरीही वसुलीसाठी पाहिजे तसा प्रतिसाद मिळत नसल्याने मुख्याधिकारी सौरभ जोशी यांच्या मार्गदर्शनाखाली १४ वसुली पथकांची नियुक्ती करण्यात आली आहे..शहरातील एकूण बारा वॉर्डमध्ये या वसुली पथकातील एकूण ३० कर्मचारी वसुलीसाठी फिरत आहेत. २८ फेब्रुवारीपर्यंत थकीत घरपट्टीपैकी ६०.२१ टक्के तर पाणीपट्टीची ६७.९५ टक्के वसुली झाली आहे. उर्वरित थकबाकीची रक्कम मार्च अखेर जमा होणे अपेक्षित असल्याने सर्व थकाबाकीदार आता पालिकेच्या रडारवर आले आहेत..तीन गाळ्यांना ‘सील’ मुख्याधिकारी सौरभ जोशी यांच्या मार्गदर्शनाखाली कर निरीक्षक गोपाल शिंदे, वरिष्ठ लिपीक दिनेश जाधव, प्रेमसिंग राजपूत, सुमित सोनवणे, किरण मोरे यांच्या पथकाने शहरातील वॉर्ड क्रमांक चारमधील त्रिमुर्ती ॲग्रो एजन्सी, सोहम डिस्ट्रिब्युटर्स व तुकाराम गवळी अशा एकूण तीन गाळ्यांना ‘सील’ लावले. यापैकी एका गाळेधारकाने सायंकाळी उशीरा त्यांच्याकडील थकबाकी भरल्याची माहिती दिनेश जाधव यांनी दिली. दरम्यान, थकबाकीदारांवर अशा कारवाया सुरुच राहणार असल्याने त्यांनी त्यांच्याकडील करांची थकबाकी तातडीने भरुन पालिकेला सहकार्य करावे, असे आवाहन पालिकेने केले आहे. .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.