Nandurbar News : राज्य सेवा हक्क आयोगाच्या आयुक्त चित्रा कुलकर्णी नंदुरबार जिल्हा दौऱ्यावर

Nandurbar News : राज्य सेवा हक्क आयोगाच्या नाशिक विभागीय आयुक्त चित्रा कुलकर्णी या २२ व २३ फेब्रुवारी २०२४ ला नंदुरबार जिल्हा दौऱ्यावर येत असल्याचे राज्य सेवा हक्क आयोग नाशिक विभाग नाशिकचे उपसचिव सुनील जोशी यांनी कळविले आहे.

आयुक्त कुलकर्णी यांचा हा दौरा असा- गुरुवारी (ता. २२) सकाळी आठला नाशिक येथून नंदुरबारकडे प्रयाण, दुपारी दोनला शासकीय विश्रामगृह नंदुरबार येथे आगमन.

दुपारी तीनला पालिका नंदुरबार येथे कार्यालय तपासणी, सायंकाळी पाचला उपवनसंरक्षक नंदुरबार वन विभाग नंदुरबार येथे कार्यालयीन तपासणी, रात्री आठला शासकीय विश्रामगृह भोजन व मुक्काम.

शुक्रवारी (ता. २३) सकाळी नऊला नंदुरबारहून नवापूरकडे प्रयाण, सकाळी साडेदहाला नवापूर येथे आगमन, साडेदहा ते दुपारी एकपर्यंत सेतू.

ई-सेवा केंद्र व विविध कार्यालयांची तपासणी, दुपारी एक ते दोन तहसील कार्यालय येथे विविध तालुकाप्रमुख यांची आढावा बैठक, दुपारी दोन ते तीन भोजन व

दुपारी तीन ते रात्री आठ परतीचा प्रवास राहणार आहे. या दौऱ्यात कार्यालयीन तपासणी करण्यात येणार आहे. संबंधितांना महाराष्ट्र लोकसेवा हक्क अधिनियमविषयक माहिती देण्यात येणार असून, त्याअनुषंगाने संबंधित कार्यालयाने अद्ययावत माहिती तयार ठेवावी, असेही उपसचिव जोशी यांनी शासकीय पत्रानुसार कळविले आहे.