Nandurbar Crime : नंदुरबार पोलिसांनी रोखली मद्य तस्करी! दोन ठिकाणच्या कारवाईत 8 लाख 18 हजार 355 रुपयांचा मुद्देमाल जप्त

Nandurbar Crime : अवैध मद्य तस्करांवर स्थानिक गुन्हे शाखेने दोन वेगवेगळ्या ठिकाणी कारवाई केली. त्यात एकूण आठ लाख १८ हजार ३५५ रुपये किमतीचा मुद्देमाल जप्त केला आहे. (police stopped liquor smuggling).आगामी विधानसभा निवडणूक व सण-उत्सावांच्या अनुषंगाने जिल्ह्यात व जिल्ह्याबाहेर दारुची अवैध वाहतूक होणार नाही तसेच तस्करी करणाऱ्यांची माहिती काढून त्यांच्यावर कठोर कारवाईबाबत पोलिस अधीक्षक श्रवण दत्त एस. यांनी सर्व पोलिस ठाण्याच्या प्रभारी अधिकाऱ्यांना निर्देश दिले आहेत. त्यानुसार ही कारवाई करण्यात आली.रविवारी (ता.२०) स्थानिक गुन्हे शाखेला शिरपूरकडून शहाद्याकडे एक जण पांढऱ्या रंगाच्या चारचाकी वाहनात देशी-विदेशी दारुची चोरटी वाहतूक करीत असल्याची मिळालेल्या गुप्त माहिती मिळाली. त्यावरून पोलिस निरीक्षक किरणकुमार खेडकर यांनी स्थानिक गुन्हे शाखेचे पोउपनि मुकेश पवार, पोहेकॉ रमेश साळुंखे, पोना/विकास कापुरे, मोहन ढमढेरे, अविनाश चव्हाण, पुरुषोत्तम सोनार, पोकॉ शोएब शेख, विजय ढिवरे, आनंदा मराठे, यशोदीप ओगले यांचे एक पथक तयार केले. तसेच सारंगखेडा पोलिस ठाण्याचे प्रभारी सपोनि संदीप आराक, पोउपनि किरण बाहे, पोउपनि-वेडू जाधव, पोना/जितेंद्र ईशी, पोकों/सुरतसिंग राजपूत यांच्या मदतीने बातमीची खात्री करून कारवाईसाठी तत्काळ रवाना केले. (latest marathi news).Dhule Crime News : गावठी हातभट्टीचे अड्डे उद्ध्वस्त; 12 संशयितांना अटक अन मुद्देमाल जप्त.पथक शिरपूरकडून शहाद्याकडे येणाऱ्या कुकावल फाट्यावर नाकाबंदी करीत असताना त्यांना एक चारचाकी वाहन हे संशयितरीत्या येताना दिसले. सदर वाहनास हात देऊन थांबविण्याचा प्रयत्न केला असता वाहन चालकाने वाहन न थांबविता तो भरधाव शहाद्याकडे पळून गेला. त्याचा पोलिस पथकांनी पाठलाग केला, परंतु तो वेगात असल्याने पुढे निघून गेला.त्यानंतर हे चारचाकी वाहन शिरपूर-शहादा रस्त्यालगतच्या खड्डयात गेल्याचे दिसले. वाहनचालक हा अंधाराचा फायदा घेऊन पसार झाला. वाहनाची तपासणी केली असता त्यामध्ये देशी-विदेशी दारूसह एकूण सात लाख १० हजार २४० रुपये किमतीचा मुद्देमाल मिळून आला.नंदुरबार शहर पोलिस ठाणे हद्दीत नगरपालिका चौकाकडून हाट दरवाजाकडे एकजण बेकायदा देशी-विदेशी दारू स्वतःच्या कब्जात बाळगून तिची चोरटी विक्रीच्या इराद्याने दुचाकीवर वाहतूक करणार असल्याबाबत माहिती मिळाली. त्यावरून पोलिस निरीक्षक खेडकर यांनी स्थानिक गुन्हे शाखेचे पोउपनि मुकेश पवार, पोह/राकेश मोरे, पोशि/अभय राजपूत, आनंदा मराठे यांचे एक पथक तयार करून बातमीची खात्री करून कारवाईसाठी तत्काळ रवाना केले.शहरातील हाट दरवाजा परिसरात स्थानिक गुन्हे शाखेने सापळा रचला. मिळालेल्या गोपनीय माहितीनुसार नगरपालिका चौकाकडून एक जण दुचाकीवर पाठीवर बॅग व समोर एक मोठी बॅग ठेऊन येताना दिसल्याने त्यास थांबवून त्याचे नाव-गाव विचारता त्याने त्याचे नाव विजय गागनदास राजपाल, (रा. जुनी सिंधी कॉलनी, नंदुरबार) असे सांगितले. बॅगेबाबत विचारपूस करताच तो उडवाउडवीची उत्तरे देऊ लागल्याने तपासणी केली असता त्यामध्ये देशी विदेशी दारूचा एकूण एक लाख आठ हजार ११५ रुपये किमतीचा मुद्देमाल हस्तगत केला आहे..Dhule News : केटीवेअर बंधाऱ्यात बुडून दोन शालेय मुलांचा मृत्यू; साक्रीत शोककळा, अपहरणाची होती तक्रार.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Nandurbar Crime : नंदुरबार पोलिसांनी रोखली मद्य तस्करी! दोन ठिकाणच्या कारवाईत 8 लाख 18 हजार 355 रुपयांचा मुद्देमाल जप्त

Related Stories

Ganja Seized : धर्मापुरीत स्थानिक गुहे शाखेचा छापा, ९ लाख ७७ हजारचा गांजा जप्त

Chandrapur: बंदूक बाळगल्याप्रकरणी तरुणाला अटक

कारवाई