सटाणा- दऱ्हाणे (ता. बागलाण) येथील सलून व्यावसायिक विजय महाले (वय २५) या युवकाच्या आत्महत्येस कारणीभूत ठरलेल्या सटाणा शहरातील १२ खासगी सावकारांवर सटाणा पोलिसांनी गुन्हे दाखल केले असून, आठ जणांना चौकशीसाठी ताब्यात घेतले आहे. इतर चार जण फरारी आहेत. पोलिस निरीक्षक बाजीराव पोवार यांनी ही माहिती दिली. दरम्यान, पोलिसांच्या या धडक कारवाईमुळे सटाणा शहरासह बागलाण तालुक्यात अवैध खासगी सावकारी व्यवसाय चर्चेत आला आहे.