रिक्षावर झाड कोसळल्याने चालकासह प्रवाशी महिलेचा मृत्यू

नाशिक : त्र्यंबक रोडवरील ITI सिग्नल जवळ चालत्या रिक्षावर गुलमोहराचे वृक्ष उन्मळून पडल्याने चालकासह प्रवासी महिलेचा मृत्यू झाल्याची घटना आज सकाळी घडली.

पोपट सोनवणे व शैला पटणी असे मयत यांची नावे आहे. अपघाताची माहिती मिळताच अग्निशमन दलाने तातडीने धाव घेतली व रिक्षात अडकलेल्या दोघांना रुग्णालयात उपचारासाठी पाठवले. मात्र डॉक्टरानी त्यांना मृत घोषित केले. ही रिक्षा शहरातून सातपूरकडे निघाली होती. चालत्या रिक्षेवर अचानक झाड पडल्याने दोघांनाही जीव गमवावा लागला आहे. मान्सूनपूर्व काम पूर्ण न केल्याने हा अपघात घडला असल्याचा आरोप स्थानिक नागरिकांनी या वेळी केला.