Education News : येवल्यात २,१७३ निरक्षरांनी गिरविले धडे

येवला- ज्या हातांना कष्ट आणि कामाशिवाय काही माहीतच नाही, ज्यांना अक्षराची ओळख नाही अशा निरक्षरांना ‘क’, ‘ख’, ‘ग’ ची ओळख झाली आणि लिहिता वाचता येऊ लागले. नवभारत साक्षरता कार्यक्रमांतर्गत तब्बल दोन हजार ८१ निरक्षरांनी येवला तालुक्यात परीक्षा देऊन अक्षरांशी ओळख केली..केंद्र पुरस्कृत उल्लास नवभारत साक्षरता कार्यक्रमांतर्गत येवला तालुक्यात रविवारी (ता. २३) सकाळी दहा ते सायंकाळी पाच, या वेळेत १९७ केंद्रांवर निरक्षर व्यक्तींसाठी पायाभूत साक्षरता व संख्याज्ञान मूल्यमापन चाचणी परीक्षा घेण्यात आली. परीक्षेला तालुक्यातील एख हजार ७३ पुरुष, तर एक हजार आठ महिला, अशा एकूण दोन हजार ८१ निरक्षरांची माहिती ऑनलाइन देण्यात आली होती. म्हणजेच या परीक्षेसाठी दोन हजार ८१ परीक्षार्थीं प्रविष्ट व्हावयास हवे होते. मात्र ऐनवेळी ही संख्या वाढून ८६२ पुरुष, तर एक हजार ३११ महिला, असे दोन हजार १७३ जणांनी ही परीक्षा दिली. नोंदणी केलेल्या परीक्षार्थींपेक्षा अधिक परीक्षार्थी उपस्थित राहिल्याने सर्वांची परीक्षा घेण्यात आली. यात पाच परीक्षार्थी दिव्यांग होते..ज्या शाळेतून उल्लास ऑपवर असाक्षर व्यक्तींची नोंदणी केलेले या परीक्षेला बसणे गरजेचे होते. नोंदणीकृत निरक्षर व्यक्तींना परीक्षा केंद्रावर उपस्थित ठेवण्यासाठी गटविकास अधिकारी संदीप वायाळ यांच्या मार्गदर्शनाखाली गटशिक्षणाधिकारी संजय कुसाळकर, सर्व शाळा मुख्याध्यापक, शिक्षक, केंद्रप्रमुख, सामाजिक कार्यकर्ते, ग्रामस्थ, स्वयंसेवकांनी प्रयत्न केले. परीक्षा शांततेत आणि सुरळीत पार पाडल्या. १८ ते ६५ वयोगटांतील स्त्री-पुरुषांनी ही परीक्षा दिली..प्रौढ परीक्षार्थींनी परीक्षेला उपस्थित राहताना आपले ओळखपत्र, फोटो नोंदणी फॉर्मवर लावून जन्मतारखेचा पुरावा असलेले ओळखपत्र बरोबर ठेवले होते, तर पायाभूत साक्षरता व संख्याज्ञान यांच्यांशी संबंधित प्रश्नपत्रिका तीन विभागांत होती. ही परीक्षा १५० गुणांची होती. वाचन, लेखन व संख्याज्ञानासाठी प्रत्येकी ४० गुण आहेत. परीक्षा उत्तीर्ण होण्यासाठी १७ गुण अनिवार्य आहेत, असे कुसाळकर यांनी सांगितले..संबंधित परीक्षा १९७ केंद्रांवर सुरळीत पार पाडण्यासाठी पुंडलिक गावडे, नितीन कोकाटे, नारायण डोखे, प्रवीण मांडालकर, चंद्रशेखर दंडगव्हाळ, राम कुलकर्णी, सीमा खालकर, अंबू येवले, अरुण खरोटे, हनुमंत लांडगे, शशिकांत पानगव्हाणे, शैला भवर, राजेंद्र कुशारे, नीलेश जाधव, योगेश लांडगे, चारुशीला तरवडे आदींनी परिश्रम घेतले..या परीक्षेतून आर्थिक साक्षरता साध्य झाली आहे. तसेच कायदेविषयक व डिजिटल साक्षरता, आरोग्याची काळजी, कुटुंबकल्याण ही जीवनकौशल्ये विकसित होऊन त्यांचे जीवनमान उंचविण्यास मदत केली जाणार आहे.- संजय कुसाळकर, गटशिक्षणाधिकारी, येवला.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.