Nashik Crime: कपालेश्वर मंदिरासमोरून 3 दुचाक्याला चोरीला

नाशिक : गोदाघाटावरील श्री कपालेश्वर मंदिरासमोर असलेल्या पार्किंगमधून चोरट्यांनी तिघांच्या तीन मोटारसायकली लंपास केल्या आहेत.

यातील दोन घटना या गेल्या १ तारखेच्या आहेत. यामुळे कपालेश्वर मंदिरात दर्शनासाठी येणाऱ्या भाविकांमध्ये तीव्र नाराजी आहे. (3 bikes stolen from front of Kapaleshwar temple Nashik Crime)

नाशिक : समाधान भालेराव देसले (रा. विश्वासनगर, अशोकनगर, सातपूर) यांची ३० हजारांची दुचाकी (एमएच १५ जीझेड ९३६३) गेल्या सोमवारी (ता.१) कपालेश्वर मंदिरासमोर पार्क केली असता अज्ञात चोरट्याने चोरून नेली.

तर, जयप्रकाश रघुनाथ देशमुख (रा. खांदवेनगर, गंगापूर रोड) यांची २० हजाराची दुचाकी (एमएच १५ एझेड ७७९०) गेल्या २५ डिसेंबर रोजी कपालेश्वर मंदिरासमोरून चोरीला गेली. मिलिंद बाऊस्कर (रा. कपील वास्तूनगर, पाथर्डीफाटा) यांची २० हजारांची दुचाकी (एमएच १९ सीबी ७९१०) गेल्या सोमवारी (ता.१) कपालेश्वर मंदिरासमोरच पार्किंगमधू अज्ञात चोरट्याने चोरून नेली.

याप्रकरणी पंचवटी पोलिसात गुन्हा दाखल करण्यात आला आहे. तर गजानन नाना सकेंगे (रा. गायत्रीनगर) यांची ४० हजारांची ॲक्टिवा मोपेड (एमएच १५ एचबी ५५९१) गेल्या ३१ डिसेंबरच्या मध्यरात्री सोसायटीच्या पार्किंगमधून चोरीला गेली. याप्रकरणी उपनगर पोलिसात गुन्हा दाखल करण्यात आला आहे.