जिल्ह्यात आणखी 8 धान्य गुदाम; धान्याची साठवण क्षमता होणार चौपट

नाशिक : जिल्ह्यात तेरा तालुक्यातील गुदामाशिवाय आणखी नवीन आठ गुदामांचे (warehouse) काम अंतिम टप्प्यात आल्याने जिल्ह्यातील धान्य साठवणूक (Grain storage) क्षमता चौप्पट वाढणार आहे. तसेच त्यामुळे धान्य खराब होण्याच्या प्रकाराला आळा बसणार आहे. (8 more grain warehouses in district Storage capacity of grain will be four times more nashik Latest Marathi News)

जिल्ह्यात शासकीय धान्य खराब होण्याच्या प्रचंड तक्रारी होत्या. त्यावर उपाय काढताना पुरवठा विभागाने दोन वर्षात जिल्ह्यात धान्य साठवण गुदाम उभारणीला प्राधान्य दिले. त्यातून प्रत्येक तालुक्यात एक याप्रमाणे १३ गुदामांचे बांधकाम पूर्ण झाले असतांना नव्याने आणखी आठ गुदाम उभारण्यात येणार आहे. त्यामुळे धान्य खराब होण्याचा प्रश्न कायमच सुटणार आहे.

नाशिकला तीन, येवला नांदगाव, पिंपळगाव प्रत्येकी एक, मालेगाव दोन या प्रमाणे नव्याने आठ धान्य साठवणुकीचे गुदाम उभारण्यात येत आहे. जिल्ह्यात तेरा तालुक्यात यापूर्वीच गुदाम उभारले असतांना नव्याने आणखी आठ गुदाम उभारण्याने जिल्ह्यात गुदामांची संख्या २१ होणार आहे.

धान्य साठवणूक क्षमता वाढविताना त्यांची सुरक्षा होणार आहे. त्यामुळे जिल्ह्यात धान्य साठवणुकीची क्षमता १७ हजार टनाहून थेट ६८ हजार टन इतकी होणार आहे.