लखमापूर- रामशेज येथील एका खासगी कंपनीत शेतीसाठी वापरला जाणारा युरिया औद्योगिकसाठी वापरला जात असल्याचे कृषी विभागाच्या मोहिमेत उघड झाले. या कंपनीच्या व्यवस्थापकासह आठ जणांवर याप्रकरणी गुन्हा दाखल करण्यात आला आहे..रामशेज येथील गट क्रमांक ३०५/१३ मध्ये असलेल्या पशुखाद्य बनविणाऱ्या एका खासगी कंपनीची तपासणी रसायन व खते मंत्रालयाचे अवर सचिव चेतराम मिणा व जिल्हा परिषद मोहीम अधिकारी दीपक देशमुख यांनी केली. तपासणीत तेथे युरिया खरेदीचे परिपूर्ण दस्तावेज, साठा नोंदवही, खरेदी किंमत, युरिया दैनंदिन वापर नोंदवही, कंपनी प्रशासनाकडून मागूनही मिळत नसल्याने संशय आला. त्यानंतर पुन्हा कंपनीमध्ये तपासणी केली असता ५० किलो बॅगेतील युरियाची किंमत २४ ते २८ रुपये किलो असल्याचे लक्षात आल्याने ‘त्या’ युरियाची तपासणी करण्यात आली. .त्यात टेक्निकल ग्रेड औद्योगिक वापरासाठीचा तो युरिया नसल्याचे समोर आले. हा युरिया शेतीसाठी वापराचा अनुदानित युरिया असल्याचे स्पष्ट झाले. त्यामुळे ९० मेट्रिक टन वजनाच्या ५० किलो वजनाच्या १८०० बॅगा (एकूण किंमत २२ लाख पाच हजार रुपये) हा ऐवज सीलबंद करून दिंडोरी पोलिसांत गुन्हा दाखल करण्यात आला आहे. पोलिस निरीक्षक रघुनाथ शेगर यांच्या मार्गदर्शनाखाली उपपोलिस निरीक्षक सुदर्शन आवारी तपास करीत आहेत..अनेक प्रश्न अनुत्तरितमुळात शेतीसाठी वापरायचा हा युरिया या कंपनीत आलाच कसा? त्यांना कुणी पुरवठा केला? कृषी विभागाला याबाबत काही माहिती आहे की नाही? असे अनेक प्रश्न यामुळे निर्माण झाले आहेत. एकीकडे हंगामात शेतकऱ्यांना युरिया मिळत नसताना रासायनिक कंपनीला मात्र तो सहज कसा मिळाला, याचा कृषी विभागानेही शोध घेण्याची गरज असल्याचे शेतकऱ्यांनी म्हटले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
