नाशिक : शहरात खासगी शाळेकडून मनमानी पद्धतीने फी वसुल होत असल्याने तातडीने हे सर्व प्रकार बंद करण्याच्या मागणीसाठी आम आदमी पार्टीतर्फे जिल्हाधिकारी कार्यालयासमोर आंदोलन करण्यात आले. याबाबत मुख्यमंत्री, शिक्षणमंत्री आणि जिल्हाधिकाऱ्यांना निवेदन देण्यात आले.
निवेदनात म्हटले आहे, की शाळांची मनमानी फी वसुली विरोधात, तसेच दिल्ली सरकारप्रमाणे सरकारी शाळांच्या सोयीसुविधा, गुणवत्ता वाढविण्यासाठी करिता आम आदमी पक्षातर्फे विविध संघटना व पालकांकडून वेळोवेळी आंदोलन, निवेदन देण्यात आले. निवेदनानुसार काय कारवाई झाली, याबाबत शिक्षण उपसंचालक कार्यालयाच्या माध्यमातून कुठलीही माहिती मिळत नाही. परंतु, खासगी शाळांची मनमानी फी वसुली सुरूच आहे.
कोरोनाकाळातील ५० टक्के फी कपातीबाबत पालकांनी निवेदन देऊनदेखील निर्णय झालेला नाही. त्यामुळे यावर प्रशासनाने ठोस कारवाई करावी. खासगी शाळांनी कोरोनाकाळातील ५० टक्के फी कपात करावी, यासाठी लेखापरीक्षण करण्याचे आदेश द्यावे. सरकारी शाळांच्या सोयी सुविधा, तसेच गुणवत्ता वाढीकरिता दिल्ली सरकारप्रमाणे उपाययोजना करण्यात याव्यात. मागील ३ वर्षाचे लेखापरीक्षण करून बेकायदेशीर वसूल केलेली फी पालकांना परत करावी. मनमानी फी वर नियंत्रण आणावे. खासगी शाळांवर प्रशासक नेमण्यात यावेत. मागण्या लवकर पूर्ण न झाल्यास आम आदमी पक्षातर्फे तीव्र आंदोलन केले जाईल, असा इशारादेखील देण्यात आला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
