Agriculture News : टोमॅटोचे दर गडगडले; उत्पादन खर्चही निघत नसल्याने बळीराजा हतबल

Agriculture News
Agriculture Newsesakal

सिन्नर : मागील काही दिवसामध्ये टोमॅटोचे दर प्रमाणापेक्षा अधिक घसरल्याने पिकविलेला माल अक्षरशः रस्त्यावर फेकून देण्याची परिस्थिती उत्पादक शेतकरी यांच्यावर आली आहे. बाजार समितीत टोमॅटोला प्रतिकिलो दोन ते चार रुपयाचा दर मिळत असल्याने उत्पादन खर्च निघणे देखील मुश्‍किल झाले आहे. त्यामुळे टोमॅटोची लाली फिकी पडली आहे.

Agriculture News
Agriculture News : कापूस खरेदी करताना मार्केट फी 55 पैसे करा; CCIचे जिल्हा उपनिबंधकांना पत्र

मागील काही दिवसांपासून टोमॅटोचे भाव सातत्याने खाली घसरत असल्याने उत्पादकांना सर्वाधिक फटका बसला आहे. टोमॅटो हे चांगले उत्पादन देणारे पीक असल्याने याची तालुक्यात मोठ्या प्रमाणात लागवड होत असतो. मागील महिन्यात टोमॅटोला चांगला भावही मिळाला होता. मात्र मागील काही दिवसात टोमॅटोचे दर चांगलेच पडले आहे.

हेही वाचा: सोंगी भजनाच्या माध्यमातून शांतारामबापूंनी घडवले दत्तदर्शन...

यातच सिन्नर बाजार समितीत प्रति किलो ३ ते सरासरी ३.५० रुपयांचा भाव टोमॅटोला मिळाला. त्यामुळे जिल्ह्यातून तसेच जिल्ह्याबाहेरून येणाऱ्या अनेक टोमॅटो उत्पादकांचा वाहतूक खर्चही निघत नसल्याने रिकाम्या हाताने घरी परतावे लागत आहे. यापूर्वी अवकाळी पावसात शेतकऱ्यांचे नुकसान झाले होते आणि आता भाजीपाला व पिकांचे भाव पडल्याने शेतकऱ्यांचे आर्थिक कंबरडे मोडले आहे.

Agriculture News
Agriculture News : शेतकऱ्यांना कवडीमोल किमतीत का विकावा लागतोय भाजीपाला?

सोमवारी येथील बाजार समितीत लिलावात टोमॅटोला प्रति किलो दोन ते तीन रुपयांचा भाव मिळाला. टोमॅटोला प्रतिकिलो सरासरी २.७५ पैसे म्हणजे, क्विंटलला २७५ रुपयांचा भाव मिळाला. तर किमान 3 ते साडेतीन रुपये किलो दराने म्हणजेच, तीनशे रुपये क्विंटल दराने आडात व्यापाऱ्यांनी शेतकऱ्यांकडून टोमॅटो खरेदी केला.

''व्यापारी उत्पादकांकडून प्रति किलो ३ रुपयांनी घेतलेला टोमॅटो भाजी मंडईत १० ते १२ रुपये किलो दराने विक्री करतात. त्यामुळे ही दरी कमी करत शेतकऱ्यांना त्यांच्या कष्टाचा मोबदला मिळायला हवा. शेतकरी आर्थिक तोट्यात असताना व्यापारी मात्र पाचपट नफा कमावीत आहे.'' - भारत दिघोळे, अध्यक्ष महाराष्ट्र राज्य कांदा उत्पादक संघटना

Agriculture News
Nashik Agriculture News : कलिंगड पिकाकडे तरुणांचा कल; स्थानिक उत्पादनाला परराज्यांत अधिक मागणी

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com