Ashadhi Ekadashi News : पंढरपूरसाठी आषाढी स्पेशल रेल्वे

Nashik News : आषाढी एकादशीला पंढरपूरला दर्शनाकरिता जाण्यासाठी रेल्वे प्रवाशांची गर्दी वाढू लागली आहे. प्रवाशांची सोय व्हावी म्हणून मध्य रेल्वेने पंढरपूर आषाढी एकादशी विशेष रेल्वेगाड्या सुरु केल्या आहेत.

त्यामध्ये भुसावळ -पंढरपूरसह, नागपूर -मीरज, नागपूर -पंढरपूर, अमरावती -पंढरपूर, खामगाव -पंढरपूर, लातूर -पंढरपूर, मीरज -पंढरपूर, मीरज -खुर्दूवाडी या गाड्यांचा समावेश आहे. भुसावळ -पंढरपूर गाडीच्या २८ जूनला दोन फेऱ्या होतील. (Ashadhi Ekadashi Update Ashadhi Special Train for Pandharpur Nashik News)

जळगाव, भुसावळ, नांदगाव, मनमाड आदी ठिकाणी ही गाडी थांबेल. नागपूर -मीरज गाडीच्या २५ आणि २८ जूनला चार फेऱ्या होतील.

ही गाडी जळगाव, चाळीसगावसह मनमाड, कोपरगाव व अन्य स्थानकांवर थांबेल. नागपूर -पंढरपूर आणि नवी अमरावती -पंढरपूर या दोन्ही गाड्यांच्या २६ आणि २९ जूनला चार फेऱ्या होतील.

भुसावळ, चाळीसगावसह मनमाड, कोपरगाव आदी स्थानकांवर या गाड्या थांबतील. खामगाव -पंढरपूर या गाडीच्या २६ आणि २९ जूनला चार फेऱ्या होतील. ही गाडी भुसावळ, चाळीसगाव, नांदगाव, मनमाड आदी ठिकाणी थांबेल. अधिक माहितीसाठी www.enquiry.indianrail.gov.in या संकेतस्थळाला भेट द्या.

हेही वाचा : Credit Card फसवणूक....काय घ्याल काळजी?