Ashadhi Wari 2023: वेढा वेढा रे पंढरी! मोर्चे लावा भीमातिरी! वाखरीत दिंड्या विसावल्या

वेढा वेढा रे पंढरी ! मोर्चे लावा भीमातिरीं

चलाचला संत जन ।करु देवासी भांडण

लुटालुटा पंढरपूर ।धरा रखुमाईचा वर

तुका म्हणे चला चला ।घाव निशानी घातला

Ashadhi Wari 2023 : पुंडलिकावरदेव हरि विठ्ठल श्री ज्ञानदेव तुकाराम पंढरीनाथ महाराज की जय...! ज्ञानबा-तुकाराम चा गाजर करीत आज सर्वच दिंड्या वाखरीत दाखल झाल्या आहेत. संतश्रेष्ठ निवृत्तीनाथ आणि महावैष्णव श्री ज्ञानेश्वर महाराज गुरु शिष्य भेट झाली.

त्याच बरोबर मुक्ताबाई आणि सोपानकाका या बहीण भावाच्या भेटीने वातावरण गहिवरून गेले होते. त्यामागोमाग जगद्गुरू तुकाराम महाराजांच्या दिंडीच्या आगमनाने तर वारकरी भक्तिरसात न्हावून निघाले संपूर्ण वाखरीचे भव्य मैदान नव्हे तर पंढरी नगरी जयघोषाने दुमदुमून गेली होती.

वाखरीत जणू वैष्णवांचा महामेळा भरला होता. अभिमान सोडून अवघे जण एक मेका पाया पडतात. (Ashadhi Wari 2023 dindi rested in Vakhri nashik news)

हेही वाचा : Credit Card फसवणूक....काय घ्याल काळजी?

आषाढी एकादशीच्या पावन पर्वावर लाखोंच्या संख्येने वारकऱ्यांनी चंद्रभागेच्या पात्रात स्नानानंतर सुचिर्भूत होवून पाडुरंग परमात्म्याच्या दर्शनासाठी गोपाळपुऱ्याहून दर्शनबारीसाठी रांगा लावल्या होत्या. अवघे पंढरपूर झाले माऊलीमय...!

आषाढी-कार्तिकीला वाट पाहे उभा भेटीची आवडी,कृपाळू तातडी उतावीळ या संतांच्या वचना प्रमाणे विठुराया आषाढी देवषयनी एकादशीला आपल्या लडिवाळ भक्तांची वाट पाहत असतो.

त्याचप्रमाणे नित्यनेमाने वारी करणारे भक्तही दिंड्या पताकांचे भार वैष्णव नाचती. विठूनामाचा गजर करीत अवघी पंढरी नगरी माऊलींमय झाली आहे.