बिटको रूग्णालय तोडफोड प्रकरण : राजेंद्र ताजणेंना जामिन मंजूर

नाशिकरोड : बिटको कोविड सेंटरमध्ये (bytco covid center) रुग्णांना योग्य उपचार मिळत नाही, रेमेडेसिवर इंजेक्शनचा (remdesivhir injection) काळाबाजार होत असल्याचा दावा करत भाजप नगरसेविका (bjp corporator) डॉ. सीमा ताजने यांचे पती राजेंद्र ताजणे यांनी बिटको कोविड सेंटरच्या काचेच्या प्रवेशव्दारावर इनिव्हा कार धडकवून नुकसान केले होते. नंतर कर्मचा-यांच्या दिशेने पेवर ब्लॉक भिरकावला होता. या प्रकरणी नाशिक रोड पोलिस ठाण्यात ताजणे यांच्या विरोधात गुन्हा दाखल करण्यात आला होता. हे प्रकरण राज्यभर गाजले होते

प्रकरण राज्यभर गाजले होते

बिटको रूग्णालयात कार घुसवून तोडफोड केल्याप्रकरणी राजेंद्र उर्फ कन्नू ताजणे यांना जिल्हा सत्र न्यायालयाने जामीन मंजूर केला आहे. बिटको कोविड सेंटरमध्ये रुग्णांना योग्य उपचार मिळत नाही, रेमेडेसिवर इंजेक्शनचा काळाबाजार होत असल्याचा दावा करत भाजप नगरसेविका डॉ. सीमा ताजने यांचे पती राजेंद्र ताजणे यांनी बिटको कोविड सेंटरच्या काचेच्या प्रवेशव्दारावर इनिव्हा कार धडकवून नुकसान केले होते. नंतर कर्मचा-यांच्या दिशेने पेवर ब्लॉक भिरकावला होता. या प्रकरणी नाशिक रोड पोलिस ठाण्यात ताजणे यांच्या विरोधात गुन्हा दाखल करण्यात आला होता. हे प्रकरण राज्यभर गाजले होते. फरार असलेले ताजणे गेल्या आठवड्यात पोलिसांना शरण आले होते. त्यांना अटक करून दोन दिवसाची पोलिस कोठडी घेण्यात आली होती. ताजणे यांच्यातर्फे जिल्हा सत्र न्यायालयात जामिनासाठी अर्ज दाखल करण्यात आला होता. न्यायालयाने वकिलाचा युक्तिवाद लक्षात घेऊन अटी व शर्तीवर राजेंद्र ताजणे यांना जामीन मंजूर केला. त्यांच्यातर्फे ॲड. अमित प्रधान यांनी काम पाहिले.