Nashik Bribe Crime : पाथरेचा लाचखोर ग्रामसेवक रंगेहाथ अटक

Nashik Bribe Crime : गावठाण मधील इमारतीची नोंद करून व इमारतीची ग्रामपंचायत प्रमाणे घराची घरपट्टी ठरवून देण्याचे मोबदतल्यात पन्नास हजारांच्या लाचेची मागणी करून 25 हजार रुपयांची लाच स्वीकारताना पात्रे येथील ग्रामसेवकाला लाचलुचपत प्रतिबंधक विभागाने रंगेहात अटक केली आहे. (Bribery village sevak of Pathare arrested red handed Nashik Bribe Crime news)

नितीन सगाजी मेहेरखांब (42, रा. त्रिमूर्ती चौक, संगमनेर, जि. अहमदनगर) असे लाचखोर ग्रामसेवकाचे नाव आहे. तक्रारदाराच्या तक्रारीनुसार त्यांचे पाथरे, खुर्द (ता. सिन्नर) येथे गावठाण हद्दीत जुने घर असून त्यांनी सदर घराचा काही भाग व ओटा तोडून दोन मजली इमारत बांधले.

सदर गावठाणमधील इमारतीची नोंद करून व इमारतीची ग्रामपंचायतप्रमाणे घराची घरपट्टी ठरवून देण्याचे मोबदतल्यात लाचखोर ग्रामसेवक मेहेरखांब याने तक्रारदारांकडे आज (ता 12) पन्नास हजार रुपयांच्या लाचेची मागणी केली होती.

तकारदार यांनी यासंदर्भात लाचलुचपत प्रतिबंधक विभागाकडे तक्रार केली असता पथकाने शहानिशा केल्यानंतर सापळा रचला. लाचेचा पहिला हप्ता 25 हजार रुपये देण्याचे बुधवारी रात्री ठरले त्यानुसार कोपरगाव तालुक्यातील जवळके येथील एका हॉटेलमध्ये संशयित लाचखोर मेहेरखांब याने तक्रारदारांकडून 25 हजार रुपयांची लाच स्वीकारली.

हेही वाचा : सामान्यांचा पैसा सुरक्षित ठेवण्यासाठीच Virtual Currency करकक्षेत

त्यावेळी दबा धरून असलेल्या लाचलुचपत प्रतिबंधक विभागाच्या पथकाने मेहेरखाम यास रंगेहात अटक केली याप्रकरणी रात्री उशिरापर्यंत कोपरगाव पोलीस ठाण्यात गुन्हा दाखल करण्याचे काम सुरू होते

लाचलुचपत प्रतिबंधक विभागाच्या अधीक्षक शर्मिष्ठा घारगे-वालावलकर, अप्पर अधीक्षक नारायण न्याहाळदे, उपाधीक्षक नरेंद्र पवार यांच्या मार्गदर्शनाखाली सापळा अधिकारी पोलीस निरीक्षक साधना इंगळे , सचिन गोसावी. प्रफुल्ल माळी. परशुराम जाधव यांनी ही कारवाई केली.