नाशिक मनसेच्या नवनियुक्त शहराध्यक्षांवर गुन्हा दाखल

नाशिक : शहरात अनधिकृत होर्डिंग लावण्यास मनाई असतानादेखील विनापरवानगी होर्डिंग लावून शहर विद्रूप केल्याप्रकरणी कारवाई केली असता त्यास विरोध केल्याप्रकरणी मनसे नवनियुक्त शहराध्यक्ष दिलीप दातीर यांच्याविरूद्ध मुंबई नाका पोलिस गुन्हा दाखल करण्यात आला आहे.

मनसे अध्यक्ष राज ठाकरे हे नाशिक दौऱ्यावर येणार असल्याने चांडक सर्कल परिसरातील हॉटेल एसएसके समोर मनसेतर्फे होर्डिंग लावण्यात आले होते. परवानगी नसल्याने मुंबई नाका पोलिसांनी सदर होर्डिंग काढण्यास सुरवात केली असताना दिलीप दातीर, सचिन सिन्हा, मिलिंद कांबळे, विजय अहिरे, श्‍याम गोहाड अतुल पाटील यांच्यासह इतर काही कार्यकर्त्यानी कारवाईस आक्षेप घेत जोरदार घोषणाबाजी करत कोरोना नियमांचे उल्लंघन व वाहतुकीस अडथळा निर्माण केला.