सिन्नर येथील शिवजन्मोत्सव मिरवणुकीची बैठक शासकीय विश्रामगृह येथे शिवजन्मोत्सव सोहळा समितीचे अध्यक्ष विठ्ठल राजे उगले यांचे अध्यक्षतेखाली झाली. .बैठकीत पूर्वसंध्येला उद्या (ता.१८) रात्री दहा ते बारा छत्रपती शिवरायांचा आगमनाचा सोहळा होणार आहे. सोहळ्यामध्ये आतषबाजी, नृत्य करणारे अश्व, विद्युत रोषणाई, छत्रपती शिवरायांचा जन्मोत्सव, जिजाऊ वंदना इत्यादी कार्यक्रम पूर्वसंध्येला होणार आहे..बुधवारी सकाळी साडेआठ ते साडे अकरापर्यंत छत्रपती शिवरायांची शाही मिरवणूक होईल. छत्रपती शिवरायांच्या चरित्रावर आधारित काही मनोवेधक चित्ररथ, वेगवेगळ्या प्रसंगावरील आधारित चित्रप्रदर्शन, अडीचशे विद्यार्थ्यांचे लेझीम पथक, २६ जानेवारी रोजी राजभवनात सादर झालेले आदिवासी नृत्य पथक, नाचणारे अश्व हिंदकेसरी घोडे, लाठ्या-काठ्या प्रदर्शन, झांज पथक, झेंडा पथक अशा विविध पथकांनी सजवलेली शोभायात्रा असेल. अश्वारूढ महापुरुष व महामाता यांच्या दिमाखदार प्रदर्शन होणार असल्याचे माहिती प्रसिद्धी पत्रकाद्वारे दिली..शालेय, महाविद्यालयीन विद्यार्थ्यांना शोभायात्रेत कोणतीच अडचण निर्माण होणार नाही, यासाठी शिवजन्मोत्सव समितीकडून काळजी घेण्यात येणार आहे. .शिवजन्मोत्सव मिरवणुकीतील विविध चित्ररथ, विविध पथके, नाचणारे अश्व व ऐतिहासिक प्रदर्शन पाहण्यासाठी सिन्नरमधील महिला व बांधवांनी उपस्थित राहावे, असे आवाहन शिवजन्मोत्सव समितीने केले आहे. यावेळी प्रा. राजाराम मुंगसे यांनी शिवजन्मोत्सव समितीचे आतापर्यंत झालेल्या कामकाजाची रूपरेषा कथन केली. त्यानंतर दत्ताभाऊ वायचळे, हरिभाऊ तांबे, अॅड. संजय सोनवणे, भाऊसाहेब शिंदे, उद्योजक सतीश नेहे यांनी मिरवणूक शाही पद्धतीने साजरी करण्याचे आवाहन केले. बैठकीसाठी मच्छिंद्र चिने, ॲड. संजय सोनवणे, रवींद्र मोगल, अनिल थोरात, आनंदा सालमुठे, दत्ता वायचळे, राजाभाऊ चव्हाणके, सचिन म्हस्के, रामचंद्र नरोटे, रामदास खैरनार,सर्व पदाधिकारी उपस्थित होते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
