नाशिक- एमएचटी-सीईटी परीक्षेंतर्गत सध्या सुरू असलेल्‍या पीसीबी ग्रुपच्‍या परीक्षेला विद्यार्थ्यांचा चांगला प्रतिसाद मिळत आहे. तीन दिवसांत एकूण सहा सत्रांमध्ये झालेल्‍या या परीक्षेत उपस्‍थितीचे सरासरी प्रमाण ९५ टक्क्‍यांपर्यंत आहे. .अभियांत्रिकी, औषधनिर्माणशास्त्र आणि कृषी अभ्यासक्रमाच्या पदवीच्या प्रथम वर्ष प्रवेशासाठी एमएचटी-सीईटी परीक्षेचे राज्यस्तरावर आयोजन केले आहे. पहिल्या टप्प्यात भौतिकशास्त्र, रसायनशास्त्र आणि जीवशास्त्र (पीसीबी) या गटाच्या परीक्षा पार पडत आहेत..जिल्ह्यातील परीक्षा केंद्रांवर पहिल्या दिवसापासून उपस्‍थितीचे प्रमाण ९० टक्क्यांपेक्षा अधिक राहिले आहे. शनिवारी (ता. १२) झालेल्‍या परीक्षेत सकाळ सत्रात प्रविष्ट एक हजार ६४५ पैकी एक हजार ५६१ विद्यार्थी उपस्थित होते..८४ विद्यार्थी गैरहजर होते. उपस्‍थितीचे प्रमाण ९४.८९ टक्‍के राहिले. दुपारच्या सत्रात झालेल्‍या परीक्षेत एक हजार ५८९ विद्यार्थी उपस्थित, तर ६६ विद्यार्थी गैरहजर होते. उपस्‍थितीचे प्रमाण ९५.९८ टक्‍के राहिले. गुरुवार (ता. १७)पर्यंत पीसीबी ग्रुपची परीक्षा पार पडणार आहे. यानंतर पुढील टप्प्यातील परीक्षांना सुरुवात होईल..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
