नाशिक- शहरात महिलांना लक्ष्य करीत त्यांच्या गळ्यातील सोन्याच्या पोत खेचून नेणाऱ्या चौघांच्या मुसक्या आवळण्यात गंगापूर पोलिसांना यश आले आहे. संशयित अट्टल चेनस्नॅचर्स असून नाशिकसह पुण्यातही त्यांनी चेनस्नॅचिंग केल्याचे उघड झाले आहे. .अटक करण्यात आलेल्यांमध्ये चेनस्नॅचिंग करणाऱ्यांकडून चोरीचे सोने खरेदी करणाऱ्या सराफालाही बेड्या ठोकल्या असून, चोरीच्या दोन दुचाकीसह सुमारे अकरा लाखांचा मुद्देमाल जप्त केला आहे..अक्षय सुनील बोरकर (१९, रा. शिवाजीनगर), राज सखाहरी गायकवाड (१९, रा. मिलिन रो हाऊस, भवानी चौक, शिवाजीनगर), परवेझ ऊर्फ सोनू जावेद मनियार (२४, रा.मनपा मार्केट, शिवाजीनगर), संशयित सराफ विलास प्रमोद विसपुते (३९, रा. खुटवडनगर) यांच्यासह तीन अल्पवयीन संशयितांना अटक करण्यात आली आहे..गंगापूर परिसरात २९ मार्चला सायंकाळी नातवासह घराबाहेर पडलेल्या महिलेच्या गळ्यातील सोन्याची पोत खेचून नेल्याची घटना घडली होती. या गुन्हयाचा तपास सुरू असताना हवालदार रवींद्र मोहिते यांना संशयित हे शहरात आल्याची खबर मिळाली होती. त्यानुसार, गंगापूरचे वरिष्ठ निरीक्षक जग्वेंद्रसिंग राजपूत यांच्या मार्गदर्शनाखाली गुन्हेशोध पथकाचे उपनिरीक्षक मोतीलाल पाटील यांच्या पथकाने संशयितांना शहरातील वेगवेगळ्या ठिकाणावर सापळा रचून चोरीच्या दोन दुचाकींसह अटक केली..संशयितांच्या चौकशीतून १० गुन्ह्याची उकल झाली असून, यात दोन गुन्हे पुण्यातील आहेत. यात आठ चेनस्नॅचिंग व दोन दुचाकी चोरीचे गुन्हे असून, ११ लाख २३ हजार ६८८ रुपयांचा मुद्देमाल जप्त करण्यात आला आहे..गुन्हेशोध पथकाचे उपनिरीक्षक मोतीलाल पाटील, हवालदार रवींद्र मोहीते, गिरीश महाले, राकेश राऊत, मुकेश गांगुर्डे, मच्छिंद्र वाकचौरे, सोनू खाडे, सुजित जाधव, गोरख साळुंके, विजय नवले, भागवत थवील, अश्विनी खांदवे, हनुमान कोरडे, सागर बोधले यांच्या पथकाने बजावली..असे केले गुन्हेमुख्य संशयित अक्षय बोरकर याने एका अल्पवयीन संशयिताबरोबर गंगापूर हद्दीत दोन, इंदिरानगर हद्दीत दोन, सरकारवाडा हद्दीत एक, भद्रकाली हद्दीत एक असे सहा गुन्हे करीत यात पाच चेनस्नॅचिंग व एक दुचाकी चोरी केली. दोन अल्पवयीन संशयितांनी दौंड (पुणे) येथून दुचाकी चोरून पुण्यातील चंदननगर पोलिस ठाण्याच्या हद्दीतून एक चेनस्नॅचिंग केल्याचे निष्पन्न झाले. तर, संशयित परवेझ याने चोरीचे सोने हे सिडकोतील सराफ विलास विसपुते यास विक्री केल्याचेही समोर आले आहे. .पोलिस ठाणे व जप्त मुद्देमालगंगापूर- १ लाख १९६ रुपयांची सोन्याची लगडगंगापूर- ८८ हजार ३५६ रुपयांची सोन्याची लगडसरकारवाडा- १ लाख ३३ हजार २७४ रुपयांची सोन्याची लगड इंदिरानगर- १ लाख ३ हजार ९७० रुपयांची सोन्याची लगडइंदिरानगर- ४१ हजार ७० रुपयांची सोन्याची लगडभद्रकाली- १ लाख १६ हजार २२ रुपयांची सोन्याची लगडम्हसरूळ- ७० हजारांची दुचाकी (एमएच १५ एचएक्स ३०७३)दौंड- १ लाख ५० हजारांची दुचाकीचंदननगर (पुणे)- १ लाख ९९ हजार ८०० रुपयांचे सोने (हस्तगत नाही)पिंपरी चिंचवड- १ लाख ११ हजारांची सोने (हस्तगत नाही).सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
