नाशिक- मराठी नवीन वर्ष अर्थात गुढीपाडव्याला दर वर्षी शहरात वाजतगाजत ढोल- ताशांच्या गजरात, पारंपरिक वेशभूषेत, लेझीम नृत्य करीत नववर्षाचे स्वागत केले जाते. त्या पार्श्वभूमीवर आजही सकाळी सहा-सातपासून शहराच्या विविध भागामधून शोभायात्रा निघणार आहे. .गेल्या महिन्याभरापासून शहरात ढोल पथकांचा सराव, महारांगोळी, शस्त्रकला, लेझीम, शंख वादनाची तयारी सुरू होती. गुणगौरव न्यास संचलित नववर्ष स्वागत यात्रा समिती व नाशिक महापालिकेतर्फे यंदा रविवार पेठ, मधुबन कॉलनी, काळाराम मंदिर, रामवाडी, गणेशवाडी, नवीन नाशिक अशी सहा भागातून स्वागतयात्रा काढण्यात येणार आहे..शहराच्या विविध भागातून सकाळी सहा-सात वाजता शोभायात्रा निघणार असून पाडवा पटांगणावर एकत्र येऊन त्याचा समारोप होईल. गेल्या काही वर्षापासून पंचवटीतील गोदाघाटावरील पाडवा पटांगणावर पारंपारिक संस्कृती जपणाऱ्या विविध कार्यक्रमांचे आयोजन करण्यात येते. त्यात महावादन, अंतर्नाद, महारांगोळी, ढोलवादन, शस्त्रांचे प्रात्यक्षिक आत्तापर्यंत करण्यात आले. या उपक्रमांमध्ये नाशिककरांनी सहभागी व्हावे असे आवाहन मनपा आयुक्त मनीषा खत्री, जनसंपर्क अधिकारी योगेश कमोद, नववर्ष स्वागत यात्रा समितीचे अध्यक्ष शिवाजी बोंदार्डे, उपाध्यक्ष चंद्रशेखर जोशी, प्रफुल्ल संचेती यांनी केले आहे..प्रमुख आकर्षणहिरकणी लेझीम पथक, आरंभ ढोल- ताशा पथक, अहिल्यादेवी झांज पथक, अनंतविजय शंखनाद पथक, तानाजी मालुसरे दंड पथक, राणी लक्ष्मीबाई खडग पथक, धर्मध्वज पथक.पंचवटीत चार यात्राकाळाराम मंदिर स्वागत यात्रेचे दहावे वर्ष असून काळाराम मंदिर पूर्व दरवाजापासून गुढीच्या पूजनाने यात्रेला सुरवात होईल. यंदा शोभायात्रा पुण्यश्लोक अहिल्यादेवी होळकर यांच्या ३००व्या जन्मशताब्दी निमित्त समर्पित आहे. .अहिल्यादेवी होळकर यांची वेशभूषा केलेल्या महिला, छत्रपती शिवाजी महाराज यांची वेशभूषा केलेली मुले यामध्ये सहभागी होणार आहेत. यामध्ये महाराष्ट्राचे पारंपारिक मैदानी खेळ त्यात दानपट्टा, खडग, लाठी-काठी, चित्तथरारक प्रात्यक्षिके होणार आहे. तसेच ढोल ताशा, लेझीम, झांज व ध्वज पतक, शंखनाद पथकाचे प्रात्यक्षिके पंचवटी भागातील यात्रा मार्गावर होतील. काळाराम मंदिर पूर्व दरवाजा, ढिकलेनगर, नाग चौक, गजानन चौक, पाथरवट लेन, मालवीय चौक, पंचवटी कारंजा, धूम्रवर्ण गणपती, राम रथ, खांदवे सभागृह, पाताळेश्र्वर, कपालेश्वर मंदिर, अहिल्याराम मंदिर, पाडवा पटांगण येथे काळाराम मंदिर स्वागत यात्रेचा समारोप होईल..या भागात स्वागत यात्रासातपूरमध्ये मराठी नववर्ष गुढीपाडव्यानिमित्त सातपूर येथे स्वागत यात्रा काढण्यात येणार आहे. गजानन महाराज मंदिर, चार्वाक चौक, दास मारुती, श्रीराम मंदिर, चेतनानगर, श्रध्दा विहार कॉलनी.साईमंदिर, पांडवनगरी, सदिच्छानगरी, रिद्धी सिद्धी मंदिर, श्रीराम चौक, इच्छापूर्ती चौक, साक्षात्कारी दत्त मंदिर.श्री कौशल्येश्र्वर महादेव मंदिर, दीपालीनगर, एचएच कॉलनी, सिटी गार्डन, राजीव टाऊनशिपरविवार पेठ, मधुबन कॉलनी, काळाराम मंदिर, रामवाडी, गणेशवाडी, नवीन नाशिक.मधुबन कॉलनी, रामवाडी, गणेशवाडी यात्रा या यात्रेत गुढीचा चित्ररथ असणार आहे. पारंपारिक ढोल ताशांच्या गजरात यात्रा स्वामी समर्थ केंद्र, सुदर्शन कॉलनी, मखमलाबाद कॉलनी, मालेगाव स्टॅन्ड येथे यात्रा समाप्त होईल. रामवाडी यात्रेत गुढीचा चित्ररथ व भारत मातेच्या पालखीचा समावेश आहे. यात्रेत लहान मुलींचे लेझीम पथक, मुलांचे दंड पथक असेल. .ढोल ताशांच्या गजरात कौसल्या नगर, तळेनगर, क्रांतीनगर, हर्षवर्धन सोसायटी, मखमलाबाद नाका येथे यात्रा समाप्त होईल. गणेशवाडी यात्रेत मारुती मंदिर, देवी मंदिर चौक, सहजीवन नगर, टकले नगर चौक, काट्या मारुती चौक, गजानन नंतर नाग चौक, काळाराम मंदिर पूर्व दरवाजा येथे समाप्ती होईल..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
