जिल्‍ह्‍यात 19 पॉझिटिव्‍ह; पुन्‍हा ओलांडला पन्नासचा आकडा | Sakal
sakal

बोलून बातमी शोधा

corona update

जिल्‍ह्‍यात 19 पॉझिटिव्‍ह; पुन्‍हा ओलांडला पन्नासचा आकडा

नाशिक : गेल्‍या काही दिवसांपासून जिल्ह्यात पुन्‍हा कोरोनाने (Corona) डोके वर काढत आहे. गेल्‍या काही दिवसांपासून दैनंदिन कोरोना बाधितांची (corona Patients) संख्या एक आकडी राहात होती. परंतु गुरुवारी (ता.९) जिल्ह्यात १९ रुग्‍णांचे कोरोनाचे अहवाल पॉझिटिव्‍ह (Positive Cases) आले आहे. यामुळे ॲक्‍टिव्‍ह रुग्‍ण संख्येत वाढ झाल्‍याने पुन्‍हा एकदा सक्रिय रुग्‍ण संख्येने पन्नासचा आकडा ओलांडला आहे. (Corona Updates Nashik corona update News)

देशासह राज्‍याच्‍या विविध भागांमध्ये कोरोनाचा फैलाव पुन्‍हा एकदा होऊ लागला आहे. दैनंदिन कोरोना बाधितांची संख्या वाढू लागली असल्‍याने नागरिकांच्या चिंतेत पुन्‍हा भर पडली आहे. नाशिक जिल्ह्याची परिस्थिती नियंत्रणात असताना सध्या मात्र येथील कोरोना बाधितांच्‍या संख्येत वाढ होण्यास सुरवात झाली असल्‍याने जिल्‍हावासीयांच्या चिंतेत भर पडली आहे. सावधगिरीचा उपाय म्‍हणून चाचण्यांची संख्यादेखील वाढविली आहे. दीर्घ कालावधीनंतर गुरुवारी दैनंदिन कोरोना बाधितांची संख्या दोन आकडी राहिली. दिवसभरात नाशिक महापालिका क्षेत्रात तेरा, नाशिक ग्रामीण भाग व मालेगाव महापालिका क्षेत्र येथे प्रत्‍येकी तीन रुग्‍णांचे कोरोनाचे अहवाल पॉझिटिव्‍ह आलेले आहेत. दुसरीकडे चौघा रुग्‍णांनी कोरोनावर यशस्‍वीरीत्‍या मात केली आहे.

यातून ॲक्‍टिव्‍ह रुग्‍ण संख्या वाढून ५३ झाली आहे. या सक्रिय रुग्‍णांमध्ये नाशिक महापालिका क्षेत्रातील ३८, नाशिक ग्रामीणमधील सात, मालेगाव महापालिका क्षेत्रातील तिघांसह जिल्‍हा बाहेरील पाच बाधितांचा समावेश आहे. या ५३ बाधितांपैकी अकरा बाधितांमध्ये कोरोनाविषयक लक्षणे आढळून आलेली असून, उर्वरित ४२ रुग्‍णांमध्ये मात्र कुठल्‍याही स्वरूपाची लक्षणे आढळलेली नाहीत. सायंकाळी उशिरा ३२५ रुग्‍णांचे अहवाल प्रलंबित होते. नाशिक ग्रामीणमधील सर्वाधिक २१८, नाशिक शहरातील ५४, मालेगावच्‍या ५३ रुग्‍णांना अहवालाची प्रतीक्षा होती.

हेही वाचा: अतिक्रमण हटवून रस्त्याचे काम सुरू करण्याचे आयुक्तांचे आदेश

पॉझिटिव्‍हीटी दर २.४६ टक्‍यांवर

एरवी शून्‍य टक्‍यापर्यंत घसरलेला नाशिक जिल्ह्याचा पॉझिटिव्‍हीटी दर पुन्‍हा वाढलेला आहे. गुरुवारी जिल्ह्याचा पॉझिटिव्‍हीटी दर २.४६ टक्‍के राहिला. नाशिक शहराचा पॉझिटिव्‍हीटी दर ४.३२ टक्‍के असून नाशिक ग्रामीणचा ०.६७ टक्‍के राहिला आहे.

हेही वाचा: पिकअप व लक्झरी बस भीषण अपघातात 3 शेतकरी ठार

Web Title: Corona Updates Nashik Corona Update News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top