अंबासन- अंबासन गावात चोरट्यांनी एकाच रात्रीत पाच ठिकाणी घरफोडी करत गावात खळबळ उडवून दिली आहे. या घटनांमध्ये चोरट्यांनी सोनं-चांदीचे दागिने आणि लाखों रुपयांची रोकड लंपास केली असून संपूर्ण गावात भीतीचे वातावरण निर्माण झालं आहे. .मध्यरात्रीच्या सुमारास ही घडलेली घटना अत्यंत धक्कादायक असून, चोरट्यांनी गावातील मे. जानता राजा कृषी सेवा केंद्र तसेच चार घरांना लक्ष्य केलं. संबंधित घरांमधील कुटुंबीय गावाबाहेर असल्याचा फायदा घेत चोरट्यांनी दरवाजे आणि खिडक्यांचे कुलूप, कोयंडे तोडून प्रवेश केला. काही घरांमध्ये तर लोखंडी सळई आणि अन्य साहित्याचा वापर करून दरवाजे फोडल्याचे निदर्शनास आले आहे. महेंद्र कोर यांच्या कृषी सेवा केंद्राचे शटर उचकटून चोरट्यांनी रक्कम लांबविली..विवाहाची रोकड लंपासभाऊसाहेब कोर यांच्या बंगल्याच्या मागील बाजूने किचनच्या दरवाज्याचे दरवाजा तोडून सुमारे तीन ते चार लाख रुपये किमतीचे सोनं चोरट्यांनी लंपास केलं. त्यांचे बंधू गंगाधर कोर यांच्या घरातून सोसायटीमधून उचललेली ८५ हजारांची रोकड आणि घरातील ४५ हजार रुपये मिळून एकूण सुमारे १ लाख तीस हजारांची रोकड चोरीस गेली ते परिवारासह नाशिक येथे लग्न समारंभासाठी गेले होते..संतोष माळी यांच्या घरातूनही चोरट्यांनी सोनं व रोख रक्कम चोरून नेली. मात्र श्री. माळी कुटुंबीय बाहेरगावी असल्याने चोरी गेलेल्या ऐवजाचा नेमका अंदाज अजून लागलेला नाही. मनोज खैरनार यांच्या घराच्या छताला पावसामुळे गळती लागल्याने ते आदल्याच दिवशी दुसऱ्या घरात राहात होते. त्यामुळे त्यांच्या घरात चोरी करण्यासारखं काही सापडलं नाही. .अंबासन गावात घडलेली ही घटना पोलीस यंत्रणेसाठी एक मोठा इशारा मानला जात आहे. विभागीय पोलीस अधिकारी नितीन गणापूरे, जायखेडा पोलीस ठाण्याचे सहाय्यक पोलीस निरीक्षक सागर काळे, उपनिरीक्षक संदीप चेडे, आणि नानासाहेब पाटील यांनी घटनास्थळी भेट देऊन पाहणी केली. नाशिकहून ठसा तज्ज्ञ आणि श्वानपथक पाचारण करण्यात आले होते, सहायक पोलिस निरीक्षक सागर काळे तपास करीत आहेत..गस्त बंदया घटनेनंतर अंबासनसह परिसरात गेल्या अनेक वर्षांपासून पोलीस गस्त बंद असल्याचे समोर आले आहे. त्यामुळे चोरट्यांना मुक्तसंचार करण्यास वाव मिळत असून, यामुळे ग्रामस्थांतून भीतीचे वातावरण निर्माण झाले आहे. या प्रकरणानंतर गावकऱ्यांनी पोलिस प्रशासनावर नाराजी व्यक्त करत तत्काळ रात्रीची गस्त सुरू करण्याची मागणी केली आहे..Nagpur Crime : ‘मॉर्निंग वॉक’ वरून परत येणाऱ्यावर जीवघेणा हल्ला; कोंढाळी पोलिसांत तक्रार दाखल, पोलिसांनी घेतले ताब्यात.ग्रामस्थांची मागणी पोलिस गस्त पुन्हा सुरू करावीगावात सीसीटीव्ही यंत्रणा बसवावीचोरट्यांचा तत्काळ अटक करावीगावात पोलिस बंदोबस्त वाढवावा.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
