नाशिक- गंगापूर व कॉलेज रोडला धोकादायक वाहतूक सुरूच असून, त्यामुळे अपघाताची शक्यता निर्माण झाली आहे. छोट्या वाहनांमधून जास्त लांबीचे पाइप, स्टीलची वाहतूक सर्वात सर्रासपणे सुरू आहे. डिसेंबर महिन्यामध्ये द्वारका पुलावर अपघात झाला होता..वाहनातून बाहेर आलेल्या लोखंडी सळ्यांना धडकून नऊ नागरिकांचा दुर्दैवी मृत्यू झाला होता. मात्र तरीही शहरांमध्ये विशेष करून कॉलेज रोड गंगापूर रोडमध्ये अशी धोकादायक व अपघातास कारणीभूत असलेली वाहतूक सुरू आहे. .अशा वाहनचालकांवर त्वरित कारवाई करण्याची आवश्यकता आहे. जेणेकरून अपघात टाळता येईल. कॉलेज रोड व गंगापूर रोड परिसरामध्ये मोठ-मोठे बांधकाम प्रकल्प उभे राहत आहे. त्यामुळे बांधकामासाठी लागणाऱ्या साहित्यांची वाहतुकीसाठी वाहने या मार्गावरून कायमच दिसत असतात. मात्र छोट्या वाहनातून गाडीच्या आकारापेक्षा मोठ्या साहित्याची वाहतूक केली जाते. त्यामुळे सदर साहित्याचा भाग हा गाडीच्या बाहेर तीन ते चार फूट आलेला असतो. .वाहतूक होत असलेल्या वाहनांमध्ये प्रामुख्याने लोखंडी सळ्या, पाइप केबल इत्यादी साहित्य प्रामुख्याने असते. नियमाप्रमाणे मोठ्या वाहनांमध्ये सदर वाहतूक केली जाणे केली जावी, असे अपेक्षित आहे. मात्र त्या वाहनांमधून वाहतूक केल्यामुळे आर्थिक बचत होते. पैसे कमी लागतात. त्यामुळे वाहनचालक बेफिकिरीने वाहतूक करीत आहे. अपघात, जीवितहानी टाळण्यासाठी धोकादायक वाहतूक प्रशासनाने बंद करण्याची आवश्यकता आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
