Datta Jayanti 2023: दत्तजयंती निमित्त श्रीमद् गुरुचरित्र ग्रंथाचा पारायण सोहळा; वाचनासाठी शेकडो सेवेकरी उपस्थित

विकास गिते : सकाळ वृत्तसेवा

सिन्नर: दिंडोरी प्रणित श्री स्वामी समर्थ सेवा व अध्यात्मिक विकास केंद्र , बाल संस्कार केंद्र सिन्नर यांच्या वतीने श्री दत्त जयंती उत्सवानिमित्त अखंड जप नाम यज्ञ सप्ताह दिनांक २० डिसेंबर ते २७ डिसेंबर या कालावधीत संपन्न होत आहे.

या सप्ताहात सामूहिकपणे श्री गुरूचरित्र वाचन पारायण होत आहे. (Datta Jayanti 2023 Shri Gurucharitra Vachan Parayana collectively at Dindori Pranit Shri Swami Samarth Seva Kendra nashik news)

सिन्नर केंद्रात शहरातील स्वामी भक्तांच्या उपस्थितीत दररोज सामूहिक गुरुचरित्र वाचन, सकाळी भूपाळी आरती, नैवेद्य आरती, औदुंबर प्रदक्षिणा, स्वामी चरित्र पाठ, नित्य स्वाहाकार, गणेश याग, श्री दत्त (स्वामी) याग, रुद्र याग, चंडी याग अशा विधिवत सेवा पार पडत आहेत.

या सप्ताह काळात वेदतुल्य परम प्रासादिक श्रीमद् गुरुचरित्र ग्रंथाचे पारायण आणि यज्ञाद्वारे विविध देवदेवतांची अतिउच्च सेवा सप्ताह काळात होत असून सर्व सेवेकरी भाविक दिवस-रात्र अखंड नामस्मरण करून उपासना करत आहेत.

यावर्षी वेदतुल्य परम प्रासादिक श्रीमद् गुरुचरित्र ग्रंथाचे पारायण वाचण्यासाठी सुमारे सहाशे महिला व पुरुष असे बसलेले असून यामध्ये लहानांपासून ते ज्येष्ठ पर्यंत अनेकांनी पहारा घेण्यासाठी नामस्मरण करीत आहे.

यावेळी स्वामी चरित्र वाचन वीणा वादन माळ जप या गोष्टी पहारासाठी दिवस रात्र अनेक पुरुष व महिला करीत असून श्री स्वामी समर्थ सिन्नर येथील केंद्रात अनेक सेवेकरी दत्त जयंती निमित्त परिश्रम घेत आहे.