मालेगाव- शहरात बहुतांशी सिमेंट काँक्रिट रस्त्यांची कामे पूर्णत्वास आली आहे. रस्ते गुळगुळीत झाल्याने वाहने सुसाट वेगाने धावत आहेत. यातून लहान-मोठे अपघात देखील घडत आहेत. त्यामुळे टेहरे सोयगाव चौफुलीवर गतिरोधक बसविण्याची मागणी नागरिकांनी केली आहे..अशीच काहीशी परिस्थिती टेहेरे - सोयगाव चौफुली व आताचे "बच्छाव सर्कल" वर निर्माण झाली आहे. चार पैकी ३ रस्त्यांचे सिमेंट काँक्रिटीकरण झाल्याने वाहनांच्या गतीला अधिकच वेग आला आहे. त्यात या चौफुलीला जोडणाऱ्या रस्त्यांवर गतिरोधक नसल्याने बच्छाव सर्कल येथे वाहनचालकांचा मोठा गोंधळ होतो व अपघातांची शक्यता वाढते..किमान तीनही सिमेंट रस्त्यांवर चौफुली पासून ५० मीटर अंतरावर गतिरोधक बसवण्याची गरज आहे. शहरातील सोयगाव - टेहरे चौफुलीवर वाहनांची मोठी वर्दळ असते. मोठया प्रमाणात उद्योग व्यवसाय येथे वाढीस लागले आहे. वाहनांची संख्या जास्त असल्याने रहदारी वाढली आहे. सोयगाव-टेहरे चौफुली दळणवळणाचे महत्त्वाचे ठिकाण बनले आहे. .अनेक वर्षांपासून विकासापासून वंचित चौफुलीचे रुप आता पालटले आहे. मात्र रस्ते सुरक्षिततेबाबत येथे दुर्लक्ष झाल्याचे स्पष्टपणे निदर्शनास येत आहे. या वर्षीच येथे सर्कल साकारण्यात आले असून नामकरण फलक व मोठा हायमास्ट पथदीप ही बसविण्यात आला आहे..गिरणा स्टील-बच्छाव सर्कल ते थेट दाभाडीपर्यंत सिमेंट रस्ता तसेच सोयगाव ते बच्छाव सर्कल सिमेंट रस्ता, टेहरे गावाच्या दिशेने मोठे ट्रॅक, पीक अप, कांद्याचे वाहने, कार, दुचाकीवरून नोकरी, उद्योग, जवळच तीन मंगल कार्यालय ,लग्नसमारंभ सुरू असतात. वाहने वेगात चौफुलीच्या दिशेने येत जात असतात. चारही मार्गांना जोडणारी ही चौफुली मात्र गतिरोधक नसल्याने अपघातास आमंत्रण ठरताना दिसते. प्रशासन मोठा अपघात होण्याची वाट पाहत आहे काअसा सवाल नागरिकांना पडला होता. त्यामुळे जीवितहानी होण्यापूर्वीच खबरदारी म्हणून संबंधित विभागाने या जागेवर गतिरोधक गरजेचे बनले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
