

Dindori Drought Declaration
esakal
वणी: परतीच्या पावसाने पाठ फिरवल्याने खरीप पिकांचे मोठे नुकसान झालेल्या दिंडोरी तालुक्याचा अखेर दुष्काळग्रस्त तालुक्यांमध्ये समावेश करण्यास मंत्रिमंडळ उपसमितीने मान्यता दिली आहे. चिपळूण, दिंडोरी, वाडा आणि विक्रमगड या चार तालुक्यांमध्ये दुष्काळ जाहीर करण्याचा निर्णय आज मुंबईत झालेल्या उपसमितीच्या बैठकीत घेण्यात आला. त्यामुळे दुष्काळाच्या झळा सोसणाऱ्या दिंडोरी तालुक्यातील शेतकऱ्यांना काहीसा दिलासा मिळाला आहे.