नाशिक- आर्थिक अडचणीत असलेल्या जिल्हा मध्यवर्ती सहकारी बँकेने द्वारका येथील नवी इमारत विक्रीचा प्रस्ताव ठेवला. २००७ मध्ये उभारलेल्या या इमारतीचे सद्यस्थितीत २८ कोटी रुपये मूल्य निर्धारित केले आहे. .जिल्हा बँकेचा कारभार सीबीएस येथील जुन्या प्रशासकीय इमारतीतून चालत होता. मात्र, बँकेला ‘कॉर्पोरेट लूक’ देण्यासाठी तत्कालीन संचालक मंडळाने पाच कोटी रुपये खर्च करून सहा हजार चौरस फुटांची तीनमजली इमारत उभारली. २००२ मध्ये ही जागा एका ट्रस्टकडून जप्त करण्यात आली होती. .येथून बँकेचा कारभार सुरू झाल्यावर बँकेला आर्थिक घरघर लागल्याची चर्चा कर्मचाऱ्यांमध्ये सुरू झाली. मात्र, यावर अंधश्रद्धा निर्मूलन समितीने कर्मचाऱ्यांचे प्रबोधन करीत त्यांच्यासह संचालकांचा गैरसमज दूर केला होता. मे २०१९ मध्ये द्वारका परिसरातील बँक पुन्हा रिकामी करून जुन्या इमारतीतच कारभार सुरू झाला. बँकेला ऊर्जितावस्था मिळाली नाही. पण, आता द्वारका येथील इमारत विक्री करण्याचा निर्णय प्रशासकांनी घेतला आहे. त्याचा प्रस्ताव तयार करण्यात आला असून, त्यासाठी जाहीर बोली लावण्यात येणार आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
