नाशिक- दीड वर्षांच्या माहेश्वरी कांबळे यांच्या मृत्यूप्रकरणी जिल्हा रुग्णालयाच्या चौकशी समितीने जळीत कक्षातील डॉक्टरांवर हलगर्जीचा ठपका ठेवला खरा; परंतु या समितीने दिलेल्या चौकशी अहवालात संबंधित डॉक्टरांची नावेच दिलेली नाहीत. त्यामुळे या समितीने नेमकी कोणाची चौकशी केली? उपचार कोणी- कोणी केले, डॉक्टर नेमके कोण, याबाबत अंबड पोलिसांनी मागविलेल्या नावांबाबत रुग्णालयाकडून अद्याप कोणताही प्रतिसाद पोलिसांना मिळालेला नाही.