दिंडोरी तालुक्यात पाणीसाठ्यात वाढ; संततधारेमुळे शेतकरी सुखावला

दिंडोरी (जि. नाशिक) : तालुक्यातील पश्‍चिम पट्ट्यात पाच दिवसांपासून सुरू असलेल्या भीजपावसामुळे करंजवण, वाघाड, पालखेड धरणातील साठ्यात सरासरी पाच टक्क्यांनी वाढ झाली आहे. त्यामुळे शेतकरी सुखावला असून, शेतीकामांना वेग येणार आहे. (Due-to-continuous-rains-water-level-of-dams-in-Dindori-taluka-increased)

सर्वत्र पावसाने शेतकरी चिंतामुक्त

पश्‍चिम पट्ट्यात डोंगराळ भाग असल्याने लवकर जमिनीची भूक भागून पाणी वाहू लागले. त्यामुळे धरणांच्या पातळीत सरासरी ५ टक्क्यांनी वाढ झाली आहे. पाच दिवसांपासून सूर्यदर्शन नाही. दिवसभर रिमझिम पाऊस सुरू आहे. दिंडोरी तालुक्यात पाऊस पडला तर इतर तालुक्यांचे गणित जुळते. यामुळे निफाड, येवला, नांदगाव तालुक्यातील शेतकऱ्यांनी समाधान व्यक्त केले आहे. दिंडोरी तालुक्यात जून महिना पूर्ण कोरडाच गेला. त्यामुळे शेतकऱ्यांमध्ये चिंता होती. सध्या सर्वत्र पाऊस पडत असल्याने चिंता दूर झाली आहे.

धरण पूर्वीचा साठा आताचा साठा (टक्क्यात)

• वाघाड २.६६ २६.१०

• करंजवण ६.५० १०.३५

• पालखेड २९.४३ ३६.१८

• पुणेगाव ६.६८ ७

• ओझरखेड २५.४३ २५.६४

• तिसगाव ०.७७ ०.८६

(Due-to-continuous-rains-water-level-of-dams-in-Dindori-taluka-increased)