कोरोनामुळे विवाह सोहळ्यांना ब्रेक! मे महिन्यात अवघी एक नोंदणी

जुने नाशिक : कोरोना प्रादुर्भाव टाळण्यासाठी विवाह सोहळ्यांसह अन्य सोहळ्यावर प्रशासनाकडून बंदी घालण्यात आली होती. त्याचा परिणाम विवाह नोंदीवरदेखील झाला आहे. पूर्व विभागीय कार्यालयात गेल्या पाच महिन्यात केवळ ११३, तर मे महिन्यात अवघी १ विवाह नोंदणी झाली आहे. (due to coronavirus only one marriage was registered in may)

पासपोर्ट बनविण्यापासून तर मुलांच्या शैक्षणिक कामासाठी सध्या आधार कार्डसह पालकांचे विवाह नोंदणी प्रमाणपत्राची आवश्यकता भासते. त्यामुळे प्रत्येकाकडून विवाह नोंदणी करून घेण्याकडे कल असतो. सध्या कोरोना प्रादुर्भाव असल्याने विवाह नोंदणीस ब्रेक लागला आहे. याचे महत्त्वाचे कारण म्हणजे गर्दीने कोरोना संसर्ग वाढतो. तो टाळण्यासाठी प्रशासनाकडून विवाह सोहळ्यावर बंदी घालण्यात आली होती. त्यामुळे विवाह सोहळे होऊ शकले नाही. तर काही ठिकाणी पाच ते दहा जणांच्या उपस्थित सोहळे झाले. परंतु त्यांच्याकडून विवाह नोंदणी करण्याकडे दुर्लक्ष केले, तर काहींना लॉकडाऊनमुळे नोंदणीसाठी कार्यालयात जाणे शक्य झाले नाही. त्यामुळे महापालिका विभागीय कार्यालयांमध्ये गेल्या पाच महिन्यात अवघ्या काही प्रमाणात विवाह नोंदणी झाली. पूर्व विभागीय कार्यालयातील विवाह नोंदणी विभागाचा विचार केला, तर गेल्या पाच महिन्यात अवघे ११३ विवाह नोंदणी झाली. चालू मे महिन्यात केवळ एक नोंदणी झाली आहे. १ जूननंतर लॉकडाउन उघडून सर्व सोहळ्याना सुरवात होण्याची शक्यता वर्तविली जात आहे. असे झाल्यास जून महिन्यामध्ये विवाह नोंदणी वाढण्याची शक्यता असल्याची माहिती विभागाकडून देण्यात आली.

महिनानिहाय नोंदणी

महिना नोंदणी

जानेवारी ३०

फेब्रुवारी ३७

मार्च ३१

एप्रिल १४

मे ०१

(due to coronavirus only one marriage was registered in may)