Nashik News : थंडी वाढल्याने मासळीच्या दरात उसळी; खवय्यांना मोजावे लागताहेत अधिकचे पैसे

Nashik News : सध्या सर्वत्र कडाक्याची थंडी आहे. मागणी वाढल्याने मासळीच्या दरात प्रतिकिलो ३०० ते ४०० रुपयांची वाढ झाली आहे. मासांहारवर ताव मारणाऱ्यांना अधिक पैसे मोजावे लागत आहेत.

थर्टीफर्स्टपासून कुठे ना कुठे लहान-मोठ्या पार्ट्या होत आहेत. (due to increased demand of fish Non vegetarians pay more nashik news)

पार्ट्यांसाठी मासळी,मटण आणि चिकनची मागणी वाढली आहे. त्यामुळे दरवाढ झाली आहे, असे मासळी विक्रेता सोमनाथ कोळी यांनी सांगितले. समुद्री मासळीमध्ये पापलेट, पिवळी वाम, काळी वाम, सुरमई आणि कोळंबी याला अधिक पसंती दिली जाते. त्यामुळे त्यांच्या घाऊक दरात ३०० ते ४०० रुपयांची वाढ झाली आहे.

घाऊक बाजारात सुरमई प्रतिकिलो ५०० रुपये होती. ती आता ७०० ते ८०० रुपयांवर पोचली आहे. पापलेटही महागले आहेत. कोळंबी ४०० रुपयांवरून ६०० ते ६५० रुपयांवर उपलब्ध आहे. नवीन वर्ष स्वागत व उत्सवांच्या पार्श्वभूमीवर झालेली दरवाढ मात्र कायम आहे. एकंदरितच मांसाहार खवय्यांप्रेमींना मांसाहारावर व मासळीवर ताव मारण्यासाठी अधिकचे पैसे मोजावे लागत आहेत.

असे आहेत मासळीचे दर (प्रतिकिलो)

पापलेट : १२०० रुपये

पिवळी वाम : ११०० ते १२०० रुपये

काळी वाम : ६०० ते ८०० रुपये

सुरमई : ७०० ते ८०० रुपये

कोळंबी : ६०० ते ८०० रुपये

राणी मासा : ६०० ते ७०० रुपये

कटला : ३०० ते ३५० रुपये

रावस : ३०० ते ३५० रुपये

कोंबडा : २५० ते ३०० रुपये

झिंगा : ८०० ते ९०० रुपये

ओले बोंबील : २५० ते ३०० रुपये

बांगडा : २५० ते ३५०

नदीतील मुरी : ८०० रुपये

खेकडा : ४०० ते ६००रुपये

बोकडाचे मटण : ६४० ते ७०० रुपये

चिकन (बॉयलर ) : २४० ते २८० रुपये

चिकन ( गावठी ) : ४५० ते ६०० रुपये