EDची नाशिकमध्ये छापेमारी? नवाब मलिक कनेक्शनची शक्यता

नाशिक : नवाब मलिक (Nawab Malik) यांच्या मालमत्तेसंदर्भात नाशिकमध्ये ईडीचे (ED) धाड सत्र सुरु असल्याची माहिती समोर आली आहे. याबद्दल खात्री झाली नसली तरीही, नाशिकच्या अंबड परिसरात असलेल्या भंगार मार्केट मधील काही व्यावसायिकांची चौकशी केल्याची माहिती समोर येतेय. या ठिकाणी व्यवसाय करणाऱ्या अनेक व्यावसायिकांचे मलिक यांच्याशी संबंध असल्याची माहिती समोर आली आहे. (ED raids in Nashik news)

नवाब मलिक यांच्याशी संबंधित असलेल्या काही मालमत्तांची चौकशी झाल्याची माहिती समोर येतेय. जिल्ह्यातील काही मोठ्या कंपन्यांमधील व्यवस्थापक देखील ईडीच्या रडारवर असल्याची माहिती समोर आली आहे.

दरम्यान, दुसरीकडे सक्तवसुली संचलनालयाने अॅड. सतीश उके यांच्यावर कारवाई केली आहे. पहाटे सक्तवसुली संचलनालयाची टीम नागपुरात दाखल झाली. त्यांनी उके यांच्या घरात छापेमारी सुरू केली. एका जमीन गैरव्यवहाराच्या प्रकरणात ईडीने ही कारवाई केल्याचं समोर आलंय. ६ तासांच्या चौकशीनंतर त्यांना अटक करण्यात आली.