भुसावळ : विद्युत उपकेंद्रात ट्रान्स्फॉर्मरचा स्फोट

भुसावळ : तालुक्यातील उपविभागीय कार्यालय ग्रामीण भुसावळअंतर्गत औद्योगिक वसाहत किन्ही येथील ३३ के. व्ही. सबस्टेशनमध्ये पोटेनशियल ट्रान्स्फॉर्मरचा स्फोट झाल्याने दोन कर्मचारी भाजले. यात उपकार्यकारी अभियंता किरकोळ जखमी झाल्याची घटना रविवारी (ता. २२) दुपारी तीनच्या सुमारास घडली. अशी घडली घटना.......

दोन कर्मचारी भाजले; अधिकारी किरकोळ जखमी

किन्ही औद्योगिक वसाहत येथील ३३ के. व्ही. सबस्टेशनमध्ये तपासणी करीत असताना अचानक पोटेनशियल ट्रान्स्फॉर्मरमधून विजेचा प्रवाह अधिक प्रमाणात वाढल्याने पोटेनशियल ट्रान्स्फॉर्मरचा स्फोट झाला. त्यामधून जास्त प्रमाणात ऑइल तेथे काम करणारे लाइनमन मच्छिंद्र लोखंडे यांच्या पाठीवर उडाल्याने पाठीमागील भाग ५० टक्के भाजला गेला आहे. तर मक्तेदाराचा कर्मचारी अमोल महाजन हे उजव्या हाताच्या कोपऱ्यापासून पंजापर्यंत भाजले गेले आहे. तसेच, उपकार्यकारी अभियंता धनंजय धांडे हे भाजलेल्या कर्मचाऱ्यास वाचविण्याचा प्रयत्न करीत असताना या धावपळीत जमिनीवर पडल्याने किरकोळ जखमी झाले असून, त्यांच्या मानेवर व पायावर जखमा झाल्या आहेत.